彭秀慧舞台劇保持原味

贊助商連結

導演彭秀慧孭飛的舞台劇《29+1》宣布下月第9次重演,並踏入第100場,日前她接受訪問,透露今次演出共11場,但劇本方面依舊,未有想過加入新元素:「製作會有少少新嘢,布景同音樂重新設計,其他嘢會保持原有嘅味道,雖然演過咁多場,但好多觀眾睇完都會有癮再睇,每次睇又會有唔同感覺。(會有海外演出?)都好想去,但唔容易,今次多得套電影,吸引到日本觀眾嚟睇,所以到時其中兩場會有中英文字幕。」談到過往演出過無數次,首次演出更是13年前,但彭秀慧指每次演出的心態也會有所不同。



彭秀慧的舞台劇重演多次,每次的心態都會有所不同。

完成演出過後,彭秀慧表示將到美國休息一段長時間,想清楚往後方向應如何走,預計於當地逗留三個月,屆時會盡情睇騷:「我係拎成龍嘅獎學金去,呢個基金係畀藝術工作者暫時放低工作去交流,包機票同食宿,不過都要經過面試,喺唔同界別揀6個香港、6個內地人選出嚟,返嚟都要寫報告o架!」

化妝:Angel Mok 

髮型:Kenki @ Muse Hair

贊助商連結

彭秀慧《29+1》百場血汗


■彭秀慧表示等人替她慶祝《29+1》演出一百場。

彭秀慧自編自導自演的舞台劇《29+1》,將於第九次公演,並於下月24至4月3日假香港演藝學院歌劇院舉行,總演出場次將超越一百場。彭秀慧日前於觀塘接受訪問,她指每場都是血汗,沒計劃特別慶祝一百場:「我等人同我慶祝,對於有份一齊做嘅人都好開心,每次都係血汗。」
2005年首次演出此劇,對於第九度公演,彭秀慧表示製作依舊,可能有少少更新,她說:「我未必想由頭做過,希望保留個味道,佈景唔同,錄像唔同,有唔少人每次都睇,但從來冇問過我要改啲乜。觀眾每次睇都有唔同感覺,可能心態唔同咗,女觀眾追多啲,男觀眾都有。」
採訪:張俊銘
攝影:陳慧安

    全站熱搜

    tvb4life 發表在 痞客邦 留言(0) 人氣()