愛一個上一課 陳幼仙

贊助商連結

每個成功女人的背後,都未必有個好男人默默支持。現年四十歲的ARTĒ亞太區行政董事陳幼仙(Cindy),十七歲便已奉子成婚,可惜婚姻只維持了一年多便亮起紅燈,丈夫不但搭上第三者,更曾對她施暴。

決意離婚的她,全心投入工作,〇三年開始代理西班牙珠寶品牌ARTĒ,又創立醫學美容中心LightMAC,對於前塵往事,陳幼仙豁然表示:「婚姻嘅失敗,會令女人一生嘅思想同行為徹底改變 ,我好多謝佢(前夫)俾我上咗人生好寶貴嘅一課,令我可以改變自己嘅睇法,唔係靠愛情先可以得到好嘅生活,靠自己努力,一樣得!」

離婚後,陳幼仙稱曾拍過兩次拖,現想尋覓再婚對象:「離婚後嘅感情生活都唔係咁好,因為我大部分時間都放喺工作,忽略咗愛情,但我仍然相信愛情,想搵個結婚對象。」

贊助商連結

人無錢又無

女人總是對愛情充滿憧憬,一向戀愛大過天的陳幼仙,亦不例外,一心打算披上婚紗,與丈夫過幸福快樂的日子,誰知婚後才是噩夢的開始。

「最早期嘅我只係想結婚生仔,愛情至上,唔會想努力工作,亦無諗過想做生意。我好細個已經結婚,原因係有咗BB,對方大我十三年。本來覺得無乜問題,但我嗰時心智未成熟,大家嘅思維同性格都好唔同,好快佢就識咗第二個同佢差唔多年齡嘅女仔。而且佢仲會打我,只要同佢溝通唔到,佢就會發脾氣一巴打埋嚟。」

為家庭,她啞忍暴力對待,更自願做「提款機」,幫丈夫償還債務。「嗰時我老公(前夫)生意失敗,我就將我所有積蓄、嫁妝都俾晒佢,仲將可以借到嘅錢,都俾埋佢還債,所以最後離開佢嗰時,我係乜嘢都無,真係好委屈。」

無錢,可以再賺過,但陳幼仙就連兒子的撫養權都被前夫奪走。

「我好想爭番個仔,但經濟條件上根本贏唔到對方,加上我屋企人由我生仔嗰時開始,已經同我反晒面,完全唔贊成我湊番個仔。身邊好多人都覺得我仲後生,可以重新嚟過,所以喺個仔十個月大嘅時候,我就離開咗佢。我足足頹廢咗三個月,日日行屍走肉,眼光光,除咗喊之外,就唔識做其他嘢。」

 

她(右二)每逢星期日都會與兒子返教會,更與一班教會朋友打成一片。

 

經常在公開場合露面的她(左四),早前邀請一班圈中愛狗之人,出席「ARTĒ×愛護動物協會 My Best Friends 系列」發布會。「細個因為鍾意張曼玉,曾經想做香港小姐或演員,但十六歲嗰時,我已經係偏肥,所以打消咗個念頭。」

    文章標籤

    陳幼仙

    全站熱搜

    tvb4life 發表在 痞客邦 留言(0) 人氣()