環保藝術 陳莉敏

贊助商連結

「美容達人」陳莉敏(Queenie)向來熱愛藝術創作,繼早年用過期化妝品及生果皮製作畫作後,近期她又搞搞新意思,食完飯即興用廚餘或醬汁,廢物利用變成藝術。

「每次食完飯只要靈感一到,我就會將啲食剩嘅廚餘拼拼湊湊,變成一幅藝術品。其實喺現實生活,好多廢物只要好好利用,再加啲想像力,都可以令其重生。即使係一堆鉛筆碎,我都有辦法令佢變成一隻飛舞中嘅花蝴蝶,既環保,又有觀賞價值。」

 

贊助商連結

鉛筆碎化蝶

喜歡廢物利用的她,有次在公司開會時,用鉛筆碎製作了這幅蝴蝶畫。「嗰次個會太悶,咁o岩畀我見到枱面有啲鉛筆碎,所以就試吓簡簡單單整隻蝴蝶,點知出嚟效果都唔錯,好多朋友都讚靚。」

 

絲瓜皮公雞

以絲瓜皮做材料的公雞畫,是雞年最新作品。她笑說:「有日我整粉絲煲,當我刨絲瓜時,發現絲瓜尾部好似雞嘴,於是我就一路刨,一路整,唔使十分鐘就完成咗呢幅作品。」

 

蠔油蒙娜麗莎

諗頭多多的Queenie,用叉作筆、過期蠔油作顏料,畫出這幅「蒙娜麗莎的微笑」,「呢幅係我第一幅用醬汁畫嘅畫,嗰日我執雪櫃,見到有支蠔油過咗期,心諗唔要好浪費啫,反正醬油都有色素,不如用嚟畫畫,起碼唔使再花錢買顏料。」

 

蕃茄醬梵高

這幅仿梵高的肖像畫,Queenie用棉花棒和牙籤,並以番茄醬作顏料完成,「呢幅畫只係畫咗五分鐘。」

    文章標籤

    陳莉敏

    全站熱搜

    tvb4life 發表在 痞客邦 留言(0) 人氣()