低調完婚 陳珍妮呻生仔貴

贊助商連結


■陳珍妮雖然已結婚,但佢話暫時未打算生小朋友。互聯網圖片

 

贊助商連結

無綫新聞部前主播陳珍妮(Jenny),大前年殺入書展出版《TVB新聞部血淚史》大爆當年做主播辛酸同新聞部陰暗面。不時都喺社交網分享生活點滴嘅佢,上年喺社交平台上載身處巴黎嘅相,見佢左手中指戴上大大粒鑽石戒指,仲留言:「點會有人求婚前後瞓覺?就是他了。落機冇耐,攰到喊又送花又飲酒然後醉到瞓着,開場白1999好彩仲記得單膝下跪。其他港女拍枱走咗啦,見係你,又喺巴黎,應承你啦。」


■陳珍妮上年自爆喺法國獲男友求婚。互聯網圖片

「要儲多啲錢」

上年求婚,原來Jenny嘅婚期已經到咗,噚日致電Jenny恭喜,佢透露老公姓王,英文名叫Ricky。問佢婚禮係咪好多感動位?佢就話:「都有呀,因為得到好多朋友祝賀,但自己只係眼濕濕,如果我真係喊,就會收唔到聲。」
相中所見,Jenny身形明顯有啲圓潤,問到係咪雙喜臨門?佢即撒嬌話:「我邊有肥咗呀?影相角度箒。」佢話暫時未打算生小朋友,笑言:「𠵱家生仔太貴喇,好難養,要儲多啲錢先,暫時距離目標都有啲時間。」
撰文:馮仁昭

    全站熱搜

    tvb4life 發表在 痞客邦 留言(0) 人氣()