古巨基奉旨篤周慧敏心口冇睇「全相」呻笨

贊助商連結

作為「玉女掌門人」周慧敏演唱會總監的古巨基,大爆好友穿宮廷服時竟用手捽開「事業線」。因為基仔身份特殊,既可以用筆篤周慧敏個胸,又有機會睇到好友「全相」,惜最後忍痛推掉機會,令基仔大感後悔。



周慧敏被Dancer抬起,大晒白滑美腿。

周慧敏(Vivian)前晚舉行第三場紅館演唱會,由擔當個唱總監兼好友古巨基做嘉賓,本來在控制台坐鎮的基仔出場前匆匆走到後台換衫,基仔甫上台笑說:「我原來係香港音樂史上第一個要仆到落台演出嘅總監。」引得觀眾大笑!自知身份特殊的基仔以「靚女」稱呼Vivian,他說:「靚女為呢個演唱會出咗好多力,好用心,你知唔知佢得番幾多磅?得番99磅,因為佢每天都排練、Keep fit想着衫靚啲,成個人瘦晒,之前有少少感冒未清晒,都堅持為大家帶嚟最好嘅演出。」

「捽開」事業線

Vivian穿宮廷服是演唱會的焦點之一,基仔連番以「靚女」的身材爆料,他笑言自己是除Vivian老公倪震之外,能睇靚女身體肌膚最大面積及睇得最多的人,他笑說:「網上睇到人話宮廷服好靚,但就話佢條事業線縮咗水,我覺得好冤枉阿靚女囉。」又指一般女星穿晚裝及宮廷服都力谷「事業線」,他說:「但靚女唔係喎,佢捽番開佢。」又扮對方用手在胸前撥走事業線的動作,全場爆笑,Vivian更笑到踎地,基仔續笑說:「冇嘅就死唧,但佢竟然捽番開佢,佢話『好肉酸嘅!』,我心諗你有一條事業線有幾肉酸呀,你有三條事業線我就話驚要捽啫。」


周慧敏

古巨基扮女星夾胸動作,周慧敏笑到踎低。

周慧敏性感上陣,為Fans落力演出。
後悔咗十日

基仔又爆Vivian的一襲黑色鑲鑽晚裝,因鑽石要包住心口位置,他與設計師陳華國一同布陣,雖然Vivian穿了肉色衫打底,但就笑基仔是傻仔不敢在她身上畫,基仔即呼冤笑說:「因為攞支筆篤周慧敏個胸好怪,我做唔到、出唔到手呀。」其後基仔愈爆愈興奮,他表示因構思服裝而需清楚了解Vivian的身形,當時Vivian在布簾後僅穿Girdle(內衣),陳華國大叫基仔入去睇,但基仔怕尷尬而推卻,他笑說:「唔使喇,你睇啦!知唔知我講完呢句後悔咗十日,返到屋企好揼心,大好嘅機會,有幾多人可以睇到周慧敏着成咁?」

文:音樂組

基仔爆周慧敏捽胸

周慧敏(Vivian)前晚嘅紅館騷搵咗演唱會總監古巨基做嘉賓,基仔大爆Vivian嘅身材秘密:「你哋知唔知佢得番99磅,網上有人講今次Vivian嘅事業線縮咗水,我覺得係冤枉咗靚女,我估我係繼倪震之後,能夠睇到靚女身體每一寸肌膚面積最大嘅人,着宮廷裝時一般女星會夾胸,但佢換完出來係捽開佢,仲話:『好肉酸嘅。』」
撰文:馮仁昭

    全站熱搜

    tvb4life 發表在 痞客邦 留言(0) 人氣()