鬧俾老公呃咗
楊張新悅41歲陀第四胎 

贊助商連結


■已有三女嘅楊張新悅再有喜,佢話唔介意BB性別。互聯網圖片

現年41歲嘅楊張新悅07年嫁區議員楊哲安,婚後育有三女。噚日楊張新悅喺facebook上載咗一條自編自導自演「電台」訪問片,宣佈再有喜。佢話:「近日好多人發現我拒絕佢哋嘅活動,特別係夜晚嘅派對,更有人覺得我好唔畀面佢哋,我想講聲抱歉,令大家有所誤會。」
緊接楊張新悅就全家演出《一不小心2018大肚婆》MV,用歌聲公佈再陀第四胎,歌詞仲大呻做媽咪辛酸:「一不小心又有咗囉,感覺很惆悵,明明話三個夠,點知俾老公呃咗。」仲話未知陀仔定女。


■楊張新悅夫婦同三個囡囡一齊拍MV,宣佈家中即將有新成員。互聯網圖片

「我好惆悵」

楊張新悅噚日接受電話訪問:「完全冇諗過生第四個,睇完條片都知係唔小心,做三個嘅媽咪已經好辛苦,估唔到個天畀多次挑戰我,其實本來想好低調處理呢件事,但街上嘅人開始發現我個肚凸出嚟,佢哋覺得我好似好肥咁,我接受唔到人話我肥,咁惟有話畀大家聽啦。」佢仲話首歌係送畀所有大肚婆同媽媽:「我都有經驗同感受,相信大家都會好認同。」佢又爆老公諗緊為BB改名:「佢好興奮,好似個小朋友咁,興奮過我一百倍,而我就好惆悵同好嬲佢。」
撰文:馮仁昭

被老公呃咗!楊張新悅佗第4胎

名媛楊張新悅宣布再度有喜,懷有第四胎,今胎她大搞新意思,與老公楊哲安、三名女兒一家人拍MV,大呻做大肚婆及人母的辛酸,更爆老公安全措施唔安全,以為三個夠晒數,原來被老公「呃咗」!



一家五口齊齊拍MV,唱出做人媽咪的辛酸。

楊張新悅(Nicola)於2007年與楊哲安拉埋天窗,十年間先後誕下三名女兒,正當Nicola以為甩身,專心事業時,昨日她於社交平台宣布懷有第四胎,更上載由她主唱及以舊歌作新詞的MV《一不小心2018大肚婆》,還一家人齊齊出鏡,她大呻做大肚婆及人母的辛酸,認真搞笑!她接受本報電話訪問表示已懷孕三個幾月,未知BB性別,最重要身體健康,她說:「我想低調嘅,但發現出街見到自己又肥又肚凸凸,大家又眼望望,自己接受唔到咪宣布喜訊。」

又生又湊捱足10年

Nicola直言知道有B時很不開心,覺得被老公欺騙:「安全措施一向都係佢負責,我對藥物敏感,唔食藥(避孕),咁證明佢措施都唔安全。當知道再次懷孕都好唔開心,但都要接受,我有煩惱,因為係我生同我湊,大家都係拍拍籮柚就走,我諗住甩身,我係事業女性想重出江湖,但個天覺得我係應該留喺屋企湊仔!」Nicola又說首歌是有感而發作出,當知道有BB就有好多靈感:「你試吓生第4個,大女9歲、細女3歲幾,我人生呢十年照顧BB,冇得玩,病又唔敢食藥,咖啡又唔飲得,生完又擔心BB會病,餵奶餵到胸痛,呢啲片段不斷浮現,所以大肚婆同媽媽會有共鳴。」她又上載了大女Lucy的生日照,十分溫馨。


楊張新悅以為生完三名囡囡就「收爐」,點知又有第四件!

楊張新悅肚凸凸,囡囡好奇親親媽咪肚皮。

文:名人組

    全站熱搜

    tvb4life 發表在 痞客邦 留言(0) 人氣()