王浩信台上多謝老婆 直擊蔡思貝台下失控

贊助商連結

無綫的「萬千星輝頒獎典禮2017」賽果塵埃落定,賽前一直擔心被緋聞拖累「視帝夢」的王浩信,終極撼贏後勁凌厲的馬國明,初嚐做「視帝」的滋味,更獲緋聞女友蔡思貝在台下失控力撐。

而同樣首奪「視后」的唐詩詠,除了有前度男友洪永城在背後默默支持之外;原來,她早前曾搵「鬼王仔」陳定幫發功,催運攞獎。

原本在後台正接受傳媒訪問的蔡思貝,知悉王浩信奪視帝,即中途叫停訪問。

 

王浩信於台上奪「最佳男主角」獎,蔡思貝則默默在台下支持,而為見證男方攞獎的歷史時刻,她連自己的訪問都叫停,認真撐到出面不避嫌。

 

知己力撐

三十四歲的王浩信,在無綫捱足九年,早前終憑劇集《踩過界》中的「盲俠」一角,在新加坡奪得「視帝」。本周日(二十二日),他再下一城,再次憑「盲俠」在台慶頒獎禮上,獲得「最佳男主角」(視帝)獎項。坦承以「視帝」為人生目標的他,獲獎一刻流露自信笑容,繼而將早已預備好的致謝詞朗讀一次,除例牌多謝無綫一眾高層外,更自爆昔日窮到燶冇工開的心路歷程:「TVB 8喺我戶口雙位數嘅時候,搵咗我做音樂主持,令到我由冇錢做到爆show。」又眼濕濕多謝父母讓他任性:「我咁多年一蚊都冇拎過返屋企!」

此外,王浩信亦不忘多謝太太陳自瑤,將屋企照顧得好好,「無論咩情況下,你都畀好多愛我,無論我幾咁遍體鱗傷,你都畀安全島我去喘息一陣,好多謝你。」事後,他說太太以短訊恭賀:「佢好恭喜我,達到人生嘅夢想。」雖然他口說太太支持,但陳自瑤當晚卻玩失蹤,一直未有返無綫撐老公。

相反,去年被指介入王陳婚姻的蔡思貝,不避嫌兼仆心仆命支持他。事緣,當晚大會宣布「最佳男主角」王浩信的一刻,蔡思貝正跟着公司的安排,在後台接受傳媒訪問。不過,訪問途中蔡思貝突然失控,要求暫停訪問,十足脫韁野馬衝入會場。期間,蔡思貝身邊的助手曾叫停她,希望她繼續完成訪問,但她一樣九秒九衝入廠,誓要見證王浩信「封帝」的一刻。工作人員當時見狀就大嘆:「佢有冇搞錯!」而在台上讀完謝辭的王浩信,見到台下的蔡思貝真心力撐,即報以微笑回應。

事後,本刊問到蔡詩貝為何如此激動衝去見王浩信?她坦言:「因為同佢拍檔拍《踩過界》,佢係為咗做戲而奉獻一切,所以我唔想miss out(錯過)呢個時刻。」有太太支持,又有知己力撐,王浩信夫復何求?

王浩信對台下的蔡思貝報以微笑做回應,二人四目交投、心領神會。

 

「視帝」王浩信孖住「視后」唐詩詠影合照,蔡思貝在旁邊難掩雀躍心情,注視着男方的一舉一動。

    全站熱搜

    tvb4life 發表在 痞客邦 留言(0) 人氣()