陳啟泰帶頭敍舊

贊助商連結

前年「熄機」的亞視正式「復活」,其網絡電視將於今月底「開台」,就連佢嘅招牌節目《百萬富翁》都換上新版本,主持亦由昔日亞視台柱陳啟泰換上陳志雲。

其實,陳啟泰近年除咗拍網劇、電影之外,亦有為ViuTV主持節目及拍劇;而且,佢跟亞視一班舊同事仲保持聯絡,好念舊情。日前,適逢九九年「亞洲先生」冠軍杜挺豪,由多倫多返咗嚟香港探望一班老友,於是一眾亞視舊將就約埋火鍋敍舊。

見到陳啟泰,大家都會諗起飲尿療法,查實佢對保健真係好有研究;而呢晚,佢就同黃樹棠密密傾。唔好睇七十三歲嘅棠哥好精神,其實大半年前佢先做咗腸癌手術,切咗八厘米嘅大腸,身體多咗四個窿。席間,陳啟泰喺手機搵咗一堆關於棠哥嘅患病新聞,跟住,棠哥就好大反應咁話:「如果遲多幾個月發現,後果就不堪設想。」執番身彩嘅棠哥,應該好好向陳啟泰學習養生。

昔日亞視台柱陳啟泰,日前跟一眾舊同事飯局聚會,席間無飲酒,只飲汽水,多菜少肉,十分健康。

 

黃樹棠早前抗癌成功,當晚食得吹得,精神不俗。

 

注重健康嘅陳啟泰,先食素菜;但身旁嘅杜挺豪則揀貴價嘅鮑魚食。

    全站熱搜

    tvb4life 發表在 痞客邦 留言(0) 人氣()