李丞責計到至抵
贊助商連結
玄學家李丞責早前被爆有成八億身家；其實，佢不但識搵錢，仲好愛家庭，不時同家人四圍去旅遊。李太劉倩婷曾經向東姑透露：「囡囡鍾意去旅行，睇書同聽音樂。」佢仲話老公同囡囡去新加坡旅行時，囡囡喺飛機上好活躍，見到新事物都非常好奇喎！
正所謂讀萬卷書，不如行萬里路，既然囡囡咁鍾意去旅行，廿四孝老竇李丞責一定奉陪。最近，東姑就喺銅鑼灣嘅電訊公司，撞到就嚟又去旅行嘅李師傅。雖然佢家財萬貫，但係都好慳家，捉住個職員，問吓邊個漫遊計劃最抵用，一坐就坐咗半個鐘，其實李師傅啲時間應該值錢過個漫遊計劃囉！
原來李丞責都好精打細算，為咗搵個最抵用嘅漫遊計劃，查詢咗成半個鐘。
佢由價格到使用方法，都向職員問得一清二楚。
李丞責好重視家庭，不時陪老婆同女兒李阡辰行街購物；由於深知乖女愛去旅行，佢仲好體貼咁去計劃行程。
早前，李丞責接受日本傳奇女藝人紫吹淳訪問有關玄學文化及命理事宜，佢嘅知名度，揚威到海外喎！
全站熱搜
留言列表
