黃浩然兩子染流感全家戴罩瞓覺

贊助商連結

最近本港流感肆虐,病菌來勢洶洶,藝人黃浩然自爆兩位囝囝都相繼中招,曾經停學一星期,為怕家人交叉感染,他與太太嚴陣以待,全家人在屋企都要戴上口罩,明知會很辛苦,但睡覺都不准例外!



黃浩然宣傳新劇時,大賣關子話好戲在後頭。

黃浩然昨日到電台宣傳主演的無綫劇《平安谷之詭谷傳說》,作為廿四孝爸爸的浩然面對流感肆虐,他都不敢鬆懈:「我啲仔中晒招,有一個禮拜冇返學,但依家已經好番晒。」

憂交叉感染

他懷疑細仔是在學校感染流感:「佢間學校有同學仔病先,然後細佬就中招,開始食藥時,哥哥又有症狀,好彩我同太太冇事,喺屋企我哋除咗食飯,都戴住口罩,大家都要保護自己。(瞓覺都戴?)係呀,全家戴晒口罩瞓,抖氣係會有啲辛苦,但一定要咁做,因為兩兄弟瞓喺隔籬床,好驚佢哋會互相傳染,如果輪流再病嘅話就有排搞。」

女人戲有發揮

談到熱播中的劇集《平》,黃浩然表示角色比想像中更有發揮:「雖然係女人戲,但係我個角色對住阿爹、村民同老婆嘅時候都要有唔同變化,發揮都幾大。」他更預告「好戲在後頭」,他說:「後段仲有個高潮位,我個角色嘅主力喺後面,希望大家會鍾意。」


黃浩然透露兩個寶貝仔輪流病,要求家人全天候戴口罩。

向來有操肌的黃浩然夠晒大隻,未有被囝囝傳染流感。

手頭上的劇集工作告一段落,黃浩然表示現階段主力陪屋企人:「仲有啲廣告工作,之前已經陪咗小朋友去旅行,因為過年之後要考試,所以過年會留喺香港同屋企人過。」

文:音樂組

    全站熱搜

    tvb4life 發表在 痞客邦 留言(0) 人氣()