相隔14年再演戲 貪舞台劇好玩
鄧一君復出戀王賢誌

贊助商連結


■鄧一君(左)飾演王賢誌的同性伴侶,劇中朱慧敏介入二人的戀情。

現年41歲的「香蕉仔」鄧一君,自04年拍完無綫劇集《情迷黑森林》後,便退出娛樂圈轉投保險業。直至近日在王賢誌(Vinci)邀請下,一君再度出山,為下月2至4日於灣仔藝術中心壽臣劇院上演的舞台劇《金星撞火星》演出,飾演Vinci同志伴侶,兩人今次更是處男下海,首次演出舞台劇,劇中與朱慧敏(Queenie)展開一段三角關係。

 

「即時睇反應」

一君日前與Vinci和Queenie於觀塘為《金》劇綵排,他說:「我個角色非常重要,雖然戲份唔多,係好有發揮,係好關鍵,十幾年冇做演藝工作,舞台劇係第一次。咁耐冇做戲,當興趣玩吓,做戲都好玩,舞台劇可以現場即時睇到觀眾反應,係另一個新挑戰。」一君笑言今次沒有太多考慮便演出:「唔需要了解角色先,我哋不嬲都唔揀角色,做棵樹咪做棵樹囉。」


■鄧一君退出娛圈十多年後,近日復出演舞台劇《金星撞火星》。


■鄧一君對上一次演出是與陳文媛04年合演無綫劇《情迷黑森林》。劇照

朱慧敏錯愛

Vinci談到跟Queenie和一君的三角關係時說:「Queenie睇中咗我,點知係一個錯愛,我有另一半一君。」對於今次拉攏一君出山,Vinci解釋:「一君係我保險經紀,但係唔熟,呢幾年見佢都係傾保險,佢知我要做一個舞台劇,導演話需要搵多一個人客串,我膽粗粗問佢肯唔肯,佢二話不說幫我哋客串。」劇中可有親熱戲?Vinci說:「未排到咁重要場口,睇導演點發揮。」
採訪:張俊銘
攝影:沈健程

    全站熱搜

    tvb4life 發表在 痞客邦 留言(0) 人氣()