黃文意演戲靠實力唔怕「醜」

贊助商連結

無綫36D咪神黃文意(Mandy)近年憑其驕人身材突圍而出,成功引起關注,但早前被爆「億萬千金」身份,方知禾稈冚珍珠。Mandy受訪時坦言不想被外界標籤,故一直低調,希望以實力來證明自己:「就算唔顧形象演醜女都冇問題!」



家底豐厚的黃文意,不想被標籤為「富家女」。

Mandy早前被揭家底豐厚,其父在內地大搞LED燈生意,身家保守估計逾10億!惟貴為「億萬千金」的她一直掩飾身份,原來不想被標籤為「富家女」、「靠家底」,令演藝路受局限:「其實我唔係好了解屋企啲生意,但任何一種標籤對演員嚟講都唔好,始終演員要形象多變,被人標籤咗好難轉型,觀眾睇你永遠都係得同一個印象,咁樣好唔公平,亦限制住發展。」

冇諗過靠父蔭

雖然背後有個富爸爸撐腰,但Mandy從未想過靠父蔭,堅信多勞多得的她更放下身段,憑性感路線殺出一條血路。問到可有想過繼承父業做生意?她笑說:「我份人比較藝術家性格,冇咩生意頭腦,暫時未有打算接手爸爸啲生意,加上其他屋企人都有幫手,同埋爸爸都想我可以做自己鍾意嘅嘢,靠自己嘅努力去拚搏吓,佢好支持我嘅演藝工作。」


黃文意想靠自己努力拚搏。

黃文意想挑戰尺度大的角色,讓觀眾睇到她的實力。

黃文意憑激凸身材彈出!
挑戰不同角色

Mandy得到家人的全力支持下,未來將嘗試多方面發展,由現時主力主播工作,漸漸將重心放在演戲方面,她說:「好開心公司畀機會我接觸演戲,自己都想挑戰尺度大嘅角色,例如神經失常或殺人犯嘅角色,就算唔顧形象演醜女都冇問題,最緊要畀觀眾見到我嘅另一面。」

文:專案組

化妝:@princesshouseee_

髮型:Viva Hair

場地:Mini Hotel Causeway Bay

    全站熱搜

    tvb4life 發表在 痞客邦 留言(0) 人氣()