羅敏莊買個教訓無意追數

贊助商連結

藝人羅敏莊去年於泰國置業,對當地房地產興趣甚濃的她,決意於網絡主力介紹泰國樓盤,更與地產公司合作帶睇樓團,但有指她最終未有收到佣金,問到可會追討?她說:「追乜鬼,係自己舂個頭埋去。」並稱已跟另一大型公司合作,會展望將來。



羅敏莊去年於泰國買樓做業主。

藝人羅敏莊一向喜歡泰國的生活,經常與老公陳國邦、囡囡陳禛一家三口到泰國遊玩,去年更用300萬港元於當地置業。由於她對當地房地產有興趣,故決定當上KOL(Key Opinion Leader),更主動向地產公司自薦拍推介短片,結果頗受歡迎,雙方決定將合作「升級」搞泰國睇樓團,去年底羅敏莊便帶了兩團,反應相當不俗,有指她更袋了七位數字佣金!

不過,羅敏莊否認其事,並說:「佢哋有講話計番佣畀我,但我未收過。(有冇諗住追番?)追乜鬼,係我自己舂個頭埋去,自作多情……我已經冇再同呢間中介合作,新一年會同一間旅行社搞大啲嘅睇樓團,展望未來!」

再接Job會簽合約

經一事長一智,問到今次與旅行社合作會否傾好條件、立好合約才開工?羅敏莊笑說:「佢哋好好,好有誠意同我傾,細節大家仲傾緊,大公司一定有規有矩,會有合約嘅。」


放大圖片

陳國邦與羅敏莊遊泰兼帶囡囡試泰式腳底按摩。

羅敏莊與陳國邦對泰國情有獨鍾,不時與親友到當地旅遊。

文:影視組

羅敏莊帶團睇樓惹是非


資料圖片

羅敏莊上年年尾帶團到泰國睇樓,有周刊爆料指有團友聲稱當中有十幾人買咗樓,羅敏莊因為咁賺到笑,佢噚日接受訪問時話:「佢哋話有人買,話抽番啲佣畀我。」
為保障自己,羅敏莊曾經向嗰間公司提出要求,出番份合約證明佢係員工,但遲遲都未收到,於是羅敏莊帶埋出咗宣傳嘅第二團,就冇再合作。問到佢有冇追番啲佣?佢話:「追乜鬼,係我舂個頭埋去,自作多情。」
撰文:馮仁昭

    全站熱搜

    tvb4life 發表在 痞客邦 留言(0) 人氣()