出爐視帝收緋聞大禮
王浩信搭上宅男女神

贊助商連結


■王浩信(右一)繼續與伍允龍(右二)拍攝新劇《兄弟》。互聯網圖片

出爐視帝王浩信近年拍劇都容易跟拍檔爆緋聞,他雖然平日收埋老婆陳自瑤(YoYo)及囡囡王靖喬,但有報道他在頒獎禮前,帶妻女跟高層樂易玲在銅鑼灣食飯,有指席間YoYo於樂易玲面前大讚老公,為他默默付出。


■王浩信希望今次緋聞不會影響到老婆陳自瑤及囡囡。資料圖片


■江嘉敏對於傳搭上王浩信,覺得沒特別感覺。


■單文柔笑說自己是浪漫型女生,希望節日可以收花。

只是工作拍檔

早前拍《踩過界》時,王浩信傳與蔡思貝過從甚密,早前他到英國外景拍攝新劇《兄弟》時,又被指獲「宅男女神」江嘉敏主動獻殷勤,昨日有雜誌指外景期間,兩人經常一齊玩,有幕後人員亦爆料指江嘉敏留英時,不時買咖啡給王浩信。兩人回港後,江嘉敏會人前跟王浩信扮不熟,但片場開工時,卻一齊做低頭族發短訊,亦有指江嘉敏還會提早到片場探班。
對於與江嘉敏傳緋聞,王浩信昨回覆傳媒:「完全唔屬實,我哋係工作上嘅拍檔,只止於此,當幫套劇宣傳啦!希望唔好影響家人,多謝關心。」王浩信昨日跟伍允龍繼續為新劇開工,在Ig貼相留言:「史上打得最舒服嘅拍檔。」
緋聞女主角江嘉敏昨與單文柔在坑口出席活動,對於被指曾主動買㗎啡給王浩信,她表示:「我唔飲咖啡,唔會買咖啡畀任何人飲。」她又否認片場與王浩信互發短訊:「監製讚我工作時唔用電話,我怕分心,收工先拎電話出嚟。」可覺無辜爆緋聞?江嘉敏說:「冇乜特別感覺,都唔係,唔會好sad。」

 

單文柔等收花

同場的單文柔被問到有否收過陳展鵬所送的花,她說:「未到節日,未收到,女仔都鍾意收花,所以我都期待,我都係浪漫形。」提到陳展鵬在頒獎禮食白果,單文柔表示對方以平常心面對:「佢冇唔開心,今年我哋睇好馬國明同王浩信,佢哋拎,我哋都好開心。」
採訪:黃曉妍、楊定
攝影:陳俊強

    全站熱搜

    tvb4life 發表在 痞客邦 留言(0) 人氣()