周秀娜(抓)痕出血瞓醒郁唔到

贊助商連結

性感女神周秀娜出席活動時自爆全身敏感,更痕到失眠兼(抓)到流血,感覺似畀人打完一身郁唔到,因此收埋自己,究竟女神因甚麼事身痕呢?



周秀娜自爆可能因搬屋轉環境而令全身敏感。

藝人周秀娜(Chrissie)前日出席全新VOLVO XC40發布會,自言體質容易敏感,加上不勝酒力,故不會酒後駕車。她又自爆早前因敏感而收埋自己:「我敏感到全身好痕,痕到失眠,直情(抓)到流血,朝早起身好似畀人打完一身咁,郁唔到!醫生話壓力大、緊張都有關係。(緊張冇男友?)如果係,幾年前就有啦!我冇緊張過,可能同我早排搬屋,轉咗新環境有關。」Chrissie看醫生及食藥後經已康復,農曆新年打算請全家人到北海道滑雪。她又透露早前放了一個月大假到洛杉磯,原本打算自駕遊,但因是左軚車而險出事:「我唔慣,轉錯彎,迎頭有車駛埋嚟,好在我停得切,之後畀人禁止我再開車。」

宋熙年曾超速扣分

至於擔任司儀的宋熙年自言超喜歡駕車,但考試三次才合格:「以前開車都幾辣,依家安全至上,試過超速被扣分。」又指老公陳智燊亦是駕駛發燒友,願意載朋友回家,但她對老公高度信任,不怕老公車女仔。她透露老公有意買新車,笑言已警告對方不要再買「趕絕外母」的車款:「我架車係兩門,想買部四門,等老人家上落車方便啲。媽媽坐我架車要捐入去,有幾次落車都撞到個頭,好心痛!」


周秀娜悉心打扮出席發布會。

宋熙年信任老公陳智燊,不怕他揸車載女仔。

文:名人組

周秀娜𢱑痕見血似被打


■娜姐自爆最近皮膚敏感,又開心入圍「最港電影大獎」。

周秀娜前晚在九龍灣出席新車發佈會,揚言享受駕駛樂趣,但絕不會醉酒駕駛,因為酒量太淺。她又指最近皮膚敏感全身痕癢,搔癢時更𢱑破皮流血:「起身郁唔到好似俾人打咁,搞到失眠,睇過幾個醫生,話可能係緊張或者壓力大。」
娜姐憑《29+1》提名本報舉辦的「最港電影大獎」最港女演員,她開心謂:「好多謝有呢個投票,最開心係《29+1》不斷嘅好消息,大家為拍好一部戲而努力,付出好多。入到圍已經係幾大嘅認同,今次好似高中畢業,又要向另一階段進發。」同場的宋熙年則透露老公陳智燊是超級車迷:「佢超級鍾意揸車,熱愛程度係放工凌晨4點都會車埋同事返屋企。」
採訪:羅慧敏
攝影:仇志德

    全站熱搜

    tvb4life 發表在 痞客邦 留言(0) 人氣()