《愛.回家》拍檔撻着 
蘇韻姿阮政峰 拖手玩嘉年華

贊助商連結


■阮政峰從後搭住蘇韻姿擺甜蜜甫士影相。讀者提供圖片

【爆相爆片】好多藝人因為合作拍戲日對夜對,戲假情真成為情侶,就好似無綫處境劇《愛.回家之開心速遞》入面,飾演「紅衫魚」嘅蘇韻姿同「池子孝」嘅阮政峰咁,終於俾《蘋果》讀者阿融直擊佢哋喺中環AIA嘉年華玩時,忍唔住拖手同情深款款對望,有相為證!


■死口唔認拍拖嘅蘇韻姿、阮政峰喺嘉年華手拖手。讀者提供圖片


阮政峰、蘇韻姿
資料圖片

情深對望

話說佢兩個早排放咗條「愛的手勢舞」片上網,跳得不知幾合拍,阮政峰仲偷吻咗蘇韻姿一啖。因為咁,有網民覺得佢哋其實已經暗撻,不過當事人就死口唔認拍拖,話呢刻只係工作拍檔,但唔排除發展可能。直到日前,蘇韻姿同阮政峰孖住劇中另一對「Bonnie」林凱恩同「金城安」周嘉洛,一齊去中環嘉年華玩,當晚林凱恩都有喺網上玩直播,不過佢哋刻意保持距離,蘇韻姿全程黐住林凱恩。
鏡頭以外就俾《蘋果》讀者阿融透過「爆相爆片」,見證蘇韻姿同阮政峰煙韌一幕:「嗰晚佢哋攞住部細機互影,蘇韻姿孭住阮政峰,男嘅仲摸女嘅塊面。都有人認得佢哋,咁樣拖手咪即係間接公開咗囉!」相中見兩人手拖手,情深款款對望,但蘇韻姿回覆傳媒時,只係話:「唔好意思呀!我唔係咁方便回覆你哋。」

    全站熱搜

    tvb4life 發表在 痞客邦 留言(0) 人氣()