化零為整 楊祐寧

贊助商連結

做藝人,除了靠外表和才華,還要看運氣加際遇。現年三十五歲的台灣演員楊祐寧,○四年憑首部電影《十七歲的天空》,勇奪第四十一屆金馬獎「最佳新演員」獎,其後更兩度被提名金鐘獎影帝,早已躋身台灣一線男演員之列。

○七年正值當紅時期,他毅然選擇放下事業,先去當兵,結果退伍後事業大不如前。回想起當時歲月,楊祐寧豁然表示:「我經歷過掌聲時期,亦經歷過低潮時期,算係一個健康嘅人生路程。我覺得自己好幸運,經歷人生低潮時,我嘅家人、朋友、公司同經理人都無離開過我,仲俾我好大嘅鼓勵同支持,我先可以走到今日!」

能走出低谷,全靠他樂天的心態。

早前他來港出席活動,透露現正於寧波開拍古裝電影:「大熱天時着上厚重嘅戲服同戴頭套,仲要好多動作場面,非常辛苦!」

 

消極買醉

要做一個紅遍中港台的男主角,並不容易。訪問這天,楊祐寧來去匆匆,早上從內地飛抵香港出席活動後,隨即趕回寧波拍攝電影,就連中秋節都要當「空中飛人」。「我已經三個月無返過台灣嘅屋企,由六月一直拍戲拍到o依家,對上一次都係因為要宣傳電影,先返咗去台灣一日。」

十九歲便已出道的楊祐寧,早已嘗過當紅滋味,拿下金馬獎最佳新人獎的他,以為當兵後一樣可以捲土重來,誰知預期落空,多部主演電影票房欠佳,人氣大幅插水。「我當時以為,只要自己ready好,就可以同市場隨時接軌,但原來市場忘記你嘅速度,遠遠比你想像中要快。」

短短一年,人氣、收入大幅遞減,為麻醉自己,楊祐寧每天買醉度日。

「嗰段時期我嘅生活過得好放蕩、好荒唐!我同屋企人一齊住,每日喺度自暴自棄,每晚都要令自己飲醉。好多人都俾咗好多建議我,但我統統都聽唔入耳,仲會同朋友嘈交。我同人哋講,自己一啲都唔在乎出面啲人點樣諗我,但其實我心裏面非常在乎,個心好矛盾,呢個狀態足足維持咗一年。」

身為台灣男神之一,他從小已經是陽光型男,還忍不住自誇:「我好帥!」

 

他早前與劉德華合演馮德倫執導的電影《俠盜聯盟》,大讚劉德華心態很年輕:「華哥好鍾意同年輕人混埋一齊,又鍾意分享網上好笑嘅短片同冷笑話,真係好好笑。」

    全站熱搜

    tvb4life 發表在 痞客邦 留言(0) 人氣()