瘦身男女

贊助商連結

一講到減肥,唔少人就藉口多多,既懶得做運動,又忍唔到口,導致體重不跌反升。

但近日圈中不少名人卻成功減磅,方式千奇百趣,當中有專門給產後媽媽用的束腰瘦身法、又有唔使郁都減到磅的「輕斷食減肥法」,亦有一定難度的增肌塑身法,種種方法都瘦得出色,有埋人辦你睇,學嘢喇喂!

楊愛瑾身形偏瘦,即使懷孕時亦肥肚不肥人,產後束肚收身,好快見效。

 

楊愛瑾束肚晒纖腰

身形一向纖瘦的楊愛瑾(Miki),今年三月生完囝囝Luken後,都不敵孕婦宿命,想減磅回復苗條。手腳依然纖幼的她,專攻腰位,仲搵來曾幫徐子淇、關心妍、車婉婉等名人收身的前藝人、產後紮身師吳美芝幫她進行「束身包紮療法」,短短十日已經煉成A4腰,快成咁,生多幾個都無有怕啦。

 

 

束肚過程雖辛苦,但成效相當顯著,楊愛瑾表示:「差唔多回復之前嘅我,下一步要去做運動、跑步、游水同舉重。」

 

森美斷食減廿磅

去年被影到於海灘晒豬腩肉的森美,為進行大反擊,不惜瞓身學打泰拳數個月增肌,更以「輕斷食法」嚴格控制飲食,三個月內減走二十磅,瘦到好似劉華咁,幾辛苦都要大叫一聲:「值呀!」

「一般嘅減肥法雖然可以減卡路里,但同時都減慢咗新陳代謝,脂肪亦好難去除。『輕斷食法』唔係叫人斷食,而係嚴格控制進食時間,唔使特別節食,例如我定咗每日只有六至八個鐘係正常進餐時間,呢八個鐘以外嘅時間就完全唔可以食嘢,身體就會喺晚餐之後,有十幾個鐘頭去消化,體內血糖減少,會更快燃燒脂肪,再加埋一定嘅運動量,減肥就會好有效!」

森美為拍無綫台慶劇《誇世代》,密密練拳操肌,「為拍劇要除衫打拳,要谷走條士啤軚!」

 

森美過去的身形比較「大件」,面形又圓碌碌,一副鄰家大哥哥咁款。

 

現時約一百五十磅的他透露,減肥期間最好的飲食方法是自製健康沙律、清蒸西蘭花和三文魚。

    全站熱搜

    tvb4life 發表在 痞客邦 留言(0) 人氣()