張穎康任老婆「哦」

贊助商連結

張穎康(阿康)不嬲係圈中好男人,同老婆麥雅緻結婚五年來,人前人後都咁恩愛,仲講到明財政大權收歸老婆管,佢每日只獲配給一百蚊零用。去年十月,老婆幫佢再追多個仔「小花生」,同大女兒「小豆」,湊成個「好」字,阿康更加錫老婆錫到燶。

坊間有云養一個細路要成四百萬,佢哋有兩個,所以佢哋食嘢都好慳儉。日前,東姑見佢兩公婆喺將軍澳一間茶餐廳撐枱腳食午餐,都係一人一份常餐醫肚。期間,老婆不停口咁「哦」,阿康全程都係頭耷耷,一味有老婆講、冇佢講,完全冇反駁,真係乜都聽晒老婆話,絕對係「廿四孝老公」。

張穎康同老婆食晏撐枱腳,老婆全程講唔停,佢就一味唯唯諾諾。

 

就算食物送上,老婆邊講邊指手劃腳,阿康則邊食邊要畀眼神交流。

 

產後嘅麥雅緻,仍未收身,因收到短訊,佢先停口。

 

張穎康同麥雅緻現育有一對子女,大女三歲,細仔則三個多月大。

    全站熱搜

    tvb4life 發表在 痞客邦 留言(0) 人氣()