心穎變大話情人:佢唔喺度!馬國明速閃斷正

贊助商連結

藝人黃心穎與馬國明近期不時被影到約會,昨晚心穎帶同馬國明與家人飯局預祝生日,離開時馬國明卻獨自搭的士速閃,心穎則擘大眼講大話指飯局男友不在場!



黃心穎帶馬國明陪家人食飯,斷正後竟然指男友不在場!

本月23日是黃心穎的29歲生日,昨晚她提前與家人食飯慶祝,而早前蜜遊歐洲的馬國明亦在其中。晚上7時許心穎與三家姐心慧乘的士前往尖沙咀,心情大靚的她被問有何節目?她說:「預早慶祝生日食飯,我依家好肚餓,好想快啲食嘢!」至晚上9時,心穎與家人齊齊步出,並友善受訪,她說:「咁我就嚟生日,今日屋企人食啫!(馬國明呢?)佢喺另外一日啦!(馬國明今日冇嚟?)哎……冇呀!我嚟緊都要飛,除咗聽日。如果咁樣都未必食到飯o架喇!」

聲東擊西

問到有否與馬國明講過誰攞獎誰請食飯?心穎說:「都會慶祝嘅,如果攞到獎嘅話,但係有冇獎都好,我生日都要慶祝嘅!」而在心穎接受傳媒訪問之際,馬國明為避開記者耳目,鬼祟從另一門口急步閃出,並在附近街頭跳上的士,他登車後即叫司機:「快啲開車!」但當記者上前拍照時,車廂中的他亦尷尬地揮手。


馬國明搭的士離開,但「走唔切」被拍照!

黃心穎全家出動,一字排開受訪。

另外,黃心穎昨午穿上大露背裝與唐詩詠出席商場活動,期間戀情被擺上枱,連揮春亦安排有「馬」及「明」字的字句,唐詩詠則表示希望契哥馬國明能經常笑口常開,還輕拍心穎說:「靠你喇!」而心穎提到生日時說:「今年生日前都忙,又唔鍾意開Party。(同馬國明二人世界囉!)可能簡單食餐飯。(禮物?)我嘅生日比較尷尬,好近情人節,唔好意思要人分開咁多份。(一份過重手啲?)係。」


唐詩詠與「哎吔阿嫂」黃心穎一同出席商場活動。

唐詩詠
認蜜遊歐洲

談到早前到歐洲旅行,心穎即一臉冧爆表示與好朋友同行,問到是否與馬國明蜜遊?她未有否認:「哈哈!總之好好玩。(去完感情增進?)有!可能嚇怕咗佢呢!」而詩詠對於舊愛洪永城網上發文力撐,她表示開心又感動,問是否復合先兆?她說:「兩回事,總之互相支持。」

文:影視組

攝:追蹤組

    全站熱搜

    tvb4life 發表在 痞客邦 留言(0) 人氣()