男配角大熱 《踩過界》張振朗 擺脫做翻版

贊助商連結

張振朗入行只有短短七年,由被稱為「翻版黃宗澤」到「翻版張智霖」,一直未能擺脫翻版稱號,直到去年先在《全職沒女》同陳瀅互「姣」彈起,之後在《踩過界》做出位私家偵探,更令觀眾like爆,早前已在新加坡率先攞到《星和無綫電視大獎2017》「我最喜愛男配角」獎,今個星期日(21日)大有機會再下一城,攞埋無綫《萬千星輝頒獎典禮2017》「最佳男配角」獎!其實除了《全職沒女》和《踩過界》外,張振朗仲拍過唔少劇集,包括《法網狙擊》、《心路GPS》、《師父·明白了》及《愛‧回家》第二輯等,一步步上位,近年更成為無綫力捧小生之一!

撰文:東方新地

圖片:網上圖片及新傳媒圖片庫

 

張振朗 入行做茄哩啡

 

張振朗2011年在藝訓班畢業,簽約加盟TVB,2012年開始拍劇,但在多套劇集中都是係做無名茄哩啡,直到在2013年《心路GPS》中飾演李司棋囝囝先有較多戲份,同年在《師父·明白了》中,張振朗飾演同樂瞳相戀的靚仔書生,總算令觀眾留下印象。

 

2012年《法網狙擊》炸彈哥

張振朗張振朗首個有名有姓角色,雖然只係做劇中一單案件的被告,只得一集戲份。

2013年《心路GPS》受寵囝囝

張振朗張振朗在劇中飾演受李司棋偏心寵愛的兒子,是他首個男配角色,他指司棋姐教了他不少演戲技巧。

2013年《師父·明白了》靚仔書生

張振朗張振朗在這部劇集中飾演韋家雄兒子,與樂瞳相戀,最後橫死,古裝靚仔書生扮相夠吸睛。

Cool魔添人氣

 

由出道開始張振朗就被指同黃宗澤似樣,2014年他在節目《Sunday扮嘢王》中模仿張智霖的「Cool魔」造型,演唱「Cool魔」版的〈歲月如歌〉,由於聲線和外型都酷似張智霖,令他再添一個「翻版Cool魔」的稱號,人氣即時急升,開始獲無綫力捧。

 

2014年《Sunday扮嘢王》Cool魔上身

張振朗雖然介意畀人話似黃宗澤,但講到似不老男神張智霖,張振朗就唔係好介意啦。

2015年《愛‧回家》上位做主角

張振朗雖然在《愛·回家》中張振朗被彈過摸仿Chilam說話模式,但都無阻佢升呢做男主角,最後仲同龔嘉欣拉埋天窗。

2017年《全職沒女》情挑陳瀅

 

無綫劇集《全職沒女》由好戲之人張兆輝、以及事隔多年回巢的陳松伶擔任男女主角,不過年輕演員張振朗同 陳瀅 一對同樣搶鏡,其曖昧程度甚大,令人乍舌,成《全》劇焦點!日前出街的一集中 ,張振朗本來只係chok爆煮嘢食,跟住又發展到陳瀅從後送波餅,之後更在張振朗前「烏」低身解圍裙結,令人想入非非,媽啊好踩界!

張振朗《全職沒女》中張振朗演Chok爆酒店太子爺,劇中他被陳瀅「姣」的戲份,恨死不少宅男。

《踩過界》踩界偵探

 

張振朗在《踩過界》飾演私家偵探谷一夏(GoGo),為了公義,縱然「踩界」亦義無反顧,不時會擅自潛入私人地方蒐集證據,與盲俠(王浩信)、癲姐(蔡思貝)是好拍檔,另外仲同法官王勵凡(李佳芯)有一段非一般的情感關係,劇中張振朗有多場崩潰痛哭的喊戲,讓他演技大爆發!

張振朗張振朗在獄中得知愛人李佳芯的死訊,喊到變豬頭,大晒演技。張振朗《踩過界》前和《踩過界》後,可見張振朗有幾落力操肌。張振朗早前張振朗就在「星和」頒獎禮上奪得「我最喜愛男配角」獎。

黃宗澤同張智霖合體?

 

張振朗一時被指似黃宗澤,但又有人話佢無論聲線定樣子都似張智霖,喺2014年喺節目《Sunday扮嘢王》上模仿張智霖唱《歲月如歌》而人氣急升,被稱為「翻版Cool魔」,其實係兩位型男嘅混合體呀?

張振朗真係咁似?張振朗定係似Cool魔多啲?

【星星負皮卷】張振朗想做賤男 

文章標籤

全站熱搜

tvb4life 發表在 痞客邦 留言(0) 人氣()