備戰渣馬有計
36G崔碧珈揀Bra護胸

贊助商連結


■崔碧珈對跑渣馬有經驗,上月底已進入備戰狀態。攝影:林賓尼

【《蘋果》專訪】
渣打香港馬拉松明天舉行,連續四年出賽的崔碧珈(Anita),今年以個人名義報名參加半馬。擁有36G魔鬼胸的Anita上月底已進入備戰狀態,日前接受《蘋果》訪問時,更由拉筋、飲食到心態逐一分享經驗。

 

承托力要夠

女士跑馬拉松都擔心長時間彈跳,會出現胸部下垂問題及有疼痛感,已考取健身教練牌的Anita指毋須過份擔心,因為市面上有很多運動型bra選擇,她說:「市面上有好多sport bra,揀嘅時候唔好只係睇款,一定要揀啱支撐強度嘅bra。」她續說:「可能有啲初跑者會諗,都係跑一次箒,戴番平時啲bra都OK啦,咁樣對胸部唔好,而且因為承托力唔夠,跑嘅時候會好辛苦。」


■崔碧珈建議參加者要在起跑前預留半小時熱身。


■如果跑步期間抽筋,崔碧珈教路要盡快坐低按摩小腿。


■擁有36G上圍的崔碧珈,建議要選戴承托力夠的bra上陣。 資料圖片

Anita認為生活節奏、飲食和心態都很重要:「我今年起跑時間係8點,但好多清晨5點幾已經起步,好多時都會唔夠瞓,咁樣跑都係唔健康。個人經驗係跑之前至少一星期習慣早睡早起,咁到跑嗰日唔會太辛苦。」飲食方面,Anita說:「我基本上喺跑之前嗰個星期都好少出街食飯,亦唔會食太辣嘅食物,減少腸胃不適機會,跑嗰日會帶定水,因為水站相隔唔算太近。」她亦建議勿穿全新跑鞋上陣,起跑前亦要預留至少半小時熱身。

 

切忌比拼心

不過,Anita認為調節跑馬拉松心態都好重要,千萬不要有比拼的心,她說:「好多人會同幾個朋友一齊報名跑,個個人體質都唔同,唔好同朋友有比較之心,因為跑步係同自己比拼,如果同人比較夾硬跑會有危險。」如果跑步期間忽然抽筋,Anita指自救方法一定要盡快停低,再找一個安全的位置坐下,脫去波鞋再慢慢按摩小腿等位置,亦不應再勉強跑下去。
採訪:小米

全站熱搜

tvb4life 發表在 痞客邦 留言(0) 人氣()