有種friend,叫天使與菩薩 王喜

贊助商連結

明明訪問的是王喜,但結果話題還是離不開陳志雲。

一○年陳志雲捲入涉貪案,王喜主動上門陪伴他、為他處理私務,又傍實他出庭,為他遮風擋雨,甚至更公開聲言,若有需要,願意為對方賣樓套現打官司,高調雪中送炭,卻引來了不少閒言和猜測。「有揣測係合理嘅,我冇唔開心。」

官司持續七年,兩人一直風雨同路,至今年三月十四日終審,陳志雲獲勝訴,在庭外哽咽致謝身邊的「天使」時,特意望望王喜。「用一個咁輕鬆又圓滿嘅方式,去完結呢件案件,都係一件好事呀。」

六月底,王喜將首次參演舞台劇《雷雨對日出》,正是身為男主角的陳志雲引薦給導演袁立勳的。「即係好似喺舊公司(無綫)時,佢都幫好多lay off嘅同事搭吓路、開句聲,佢開句聲,已經係一封推薦信、一個加持,所以我成日都話,陳生真係大家嘅菩薩!」

要他形容跟陳志雲這段友情,他說:「識咗廿年(廿五年),中間經歷咗啲事,到o依家都仲未嗌交同反面嗰啲朋友囉,坊間有好多呢種朋友o架。」

講就容易,實情像他們這種「天使與菩薩」的情誼,在此凡塵俗世間,邊有咁易搵?

 

 

 

 

搭訕與避嫌

王喜和陳志雲同樣於九二年加入商台,一個是節目主持,一個是時任商台董事兼總經理的俞琤的特別助理。「陳生嗰陣朝早主持完(節目)《醒晨》之後,就一路捱足十六個鐘,我哋喺度剪片未走,佢都未走;佢唔當自己係高層,又冇當我哋係下人,跟住咪搭吓訕、開吓玩笑,互相交換吓零食咁開始熟囉。嗰陣我哋以槽肥佢為己任,因為佢嗰陣好肥o架!哈哈哈!」

兩年後,他們先後離開了商台,轉職到無綫,陳志雲出任節目部總監,王喜則開始幕前演出拍劇。「去到另一間公司,佢已經係管理層,我就係被管理嗰層,我哋唔想畀人有乜嘢閒話講,所以刻意扮唔識,就算台慶見到面,都只係點吓頭、冇乜兩句嗰隻,始終嗰間公司咁是非,人又咁多。

「其實嗰陣,因為我哋要避嫌,所以都係耐唔耐先食餐飯,或者一大班人(聚會)時,先見吓面——哪怕大家係住埋同一條街。」陳志雲曾說過,他們因為於住所附近的同一停車場泊車,才得悉彼此是街坊。「呢樣嘢係咁橋o架咋,我都唔知,佢架車點解會喺度(該停車場)o架!佢嗰陣揸架好細部嘅MR2,佢又肥,個畫面好好笑o架!」

 

 

劇中,他會被陳志雲掌摑。「呢套係愛情動作舞台劇,晚晚真人演出,做足六晚,冇馬賽克,係四級嘅——由觀眾席上舞台度嘅梯級,哈哈!」

 

一○年九月,到東區裁判法院提堂,兩人下車後,步進法院一刻,因天雨關係,王喜醒目地為陳志雲舉傘,成為案件經典一幕。

全站熱搜

tvb4life 發表在 痞客邦 留言(0) 人氣()