歡殷夢裏人 雷正殷

贊助商連結

社會新鮮人,個個都想出類拔萃,現年二十二歲的雷正殷(Alexandra Louey),畢業後卻甘於平凡。

來自兩大顯赫家族的她,父親是「九巴後人」雷禮權,母親是利希慎後人、利孝和夫人女兒利蘊珍。早已是香港名媛千金的她,一五年更獲邀出席擁有二百多年歷史的巴黎貴族成年舞會Le Bal des Débutantes,成功躋身國際名媛行列,以為她會向外大展拳腳,誰知她卻選擇留港擔任鋼琴教師,一圓音樂夢。

「雖然我有呢個background,但我唔係要風得風,細個爸爸媽媽已經要我捱苦,婆婆(利孝和夫人)亦教我做人要謙虛,佢哋唔需要我出名,唔需要我賺好多錢,鼓勵我鍾意做乜就去做乜。我鍾意音樂,而我亦好enjoy做呢樣嘢(教琴),日後亦會繼續行音樂呢條路。」

她表示日後想從事音樂創作,「遲啲我會去大陸發展,去深圳教琴,但我唔會教一世,我想喺作曲方面發展。」

 

曾立志做歌劇歌手的她,小時候已成為父親攝影機下的模特兒。

 

音樂才女

雷正殷對音樂的熱誠,由六歲已經開始,考獲鋼琴演奏級的她,八歲考入香港演藝學院學彈琴及唱歌,十二歲到英國Somerset讀寄宿學校,並取得音樂獎學金,十八歲已成功考入英國Trinity College of Music ,主修classical piano performance(古典鋼琴演奏),音樂之路看似一帆風順,其實過程困難重重。

「細個爸爸媽媽成日帶我周圍睇concert(音樂會),我好鍾意,於是主動叫佢哋俾我學彈琴。我從來都無諗過要讀一般嘅大學,只係想讀音樂,打算報考Royal Academy of Music(英國皇家音樂學院)同Royal College(皇家音樂學院),但考入去真係好難,兩間我都考唔到,傷心咗好耐。為咗可以考入o依家間大學,由平時練兩、三個鐘琴,增加到每日練五、六個鐘,維持咗三個月,最終喺四百幾人入面,成為十個獲選嘅學生之一。」

以為入到大學,就快活過神仙?雷正殷指,每次考試都超大壓力。「讀音樂學校好辛苦,尤其係考試,final exam係要做一個公開concert,要彈一個鐘non-stop嘅表演,仲要唔可以彈錯,當時好緊張,超大壓力!」

衝過難關,今年順利畢業的她,現於M.int Academy擔任鋼琴教師,學生由四歲到三十歲不等,她苦笑指,年幼學生最令她招架不住。

「我都算好有耐性,但啲學生都幾曳吓,唔少都係被媽媽逼學琴,好spoiled( 寵壞)。我有個六歲北京女學生,每次嚟上堂,佢婆婆都會陪住佢,見佢彈琴彈得唔錯,我就打算送一個貼紙俾佢,但佢話想要晒成張貼紙,我同佢婆婆都話唔得,佢就即時發脾氣,推咗佢婆婆出門口,然後話:『 I do what I want!(我想做咩就做咩)』,我真係無說話好講。我希望每個學生嚟學琴係enjoy,而唔係被逼。」

雷正殷一家熱愛旅行,去年走訪南美洲的她,最想去印度:「好多國家我都已經去過,我最想去印度,因為景色好靚,我又鍾意食咖喱。」

 

雷正殷父母是Ball場常客,一四年為慶祝父親生日,於深灣遊艇會筵開二十席,以「顏色」為主題,邀請逾二百位嘉賓出席,(右起)雷正殷、胞兄雷正揚、婆婆利孝和夫人均有到場。

    文章標籤

    歡殷夢裏人 雷正殷

    全站熱搜

    tvb4life 發表在 痞客邦 留言(0) 人氣()