泰國買樓團 羅敏莊

贊助商連結

香港樓價高昂,即使手揸五、六百萬,也只能買到二、三百呎的蝸居,新樓更動輒過兩萬元一呎,唔係一般巿民可以負擔得起。

所以近年不少人都轉到香港以外投資物業,繼日本後,泰國亦是港人熱門的買樓地點,城中名人如陳欽杰、羅敏莊等都唔執輸,早已搶先在當地置業,自住度假兩相宜。

羅敏莊與老公陳國邦到泰國旅遊兼睇樓期間,順路考察了位於曼谷的英國名牌學府Harrow﹙哈羅國際學校﹚,並大讚學校的環境和學費都非常吸引,很適合女兒將來入讀。

 

 

 

羅敏莊三百萬買八百呎單位收租

喜歡去泰國旅行的羅敏莊,眼見香港物價愈來愈高,又期望退休後仍可過優質生活,加上想女兒在泰國讀書,所以決定五年後舉家移居泰國。她表示早在兩年前開始在網上留意泰國的物業投資,早前終以三百多萬在曼谷買了一間八百呎連家電的單位,「我買嘅樓盤位處曼谷Sukhumvit大站,呢區係高尚消費娛樂文化嘅心臟地帶,有好多日本人同外國人喺度生活,環境好靚,我飛過去睇咗兩次已經超鍾意,於是同老公商量完就扑槌買。」

羅敏莊表示在當地置業的手續十分簡單:「因為我直接同發展商買,所以手續好簡單,佢哋仲幫我做埋出租服務。我個單位亦已經租出咗,每個月收租一萬六千蚊港幣。但外國人喺泰國做按揭比較麻煩,只有三間銀行提供按揭嘅服務,包括中國工商銀行(泰國分行),中國銀行(泰國分行)同新加坡大華銀行UOB,但利息一般都比較高,所以今次我係將香港嘅物業做二按,一筆過付款。」

羅敏莊的單位位於曼谷四大站區Sukhumvit,屬高尚消費娛樂文化中心的地帶,甚具升值潛力。

 

羅敏莊以三百多萬在曼谷買了一間八百呎兩房連家電的單位,正式成為業主,近日更成功以萬多元租出。

 

 

 

變身睇樓KOL

因為這次買樓經驗,更令她踏上KOL之路,「之前我喺網上睇咗好多教人睇泰國樓嘅片,竟然無一條片係講廣東話,我就諗不如我自己拍片做KOL介紹泰國樓盤啦。於是我就去曼谷嘅地產舖,搵地鐵同BTS沿線、方便香港人買來收租嘅樓盤,更將片段上載至我嘅專頁「我要睇樓團」,網民都好like。下個月10至12日我仲帶團去泰國睇一啲60萬港幣就可以上車嘅樓盤俾大家。」

她到曼谷收樓時不忘自拍,並笑言在當地置業是為未來退休鋪路,及為女兒升學做好準備。

    全站熱搜

    tvb4life 發表在 痞客邦 留言(0) 人氣()