鈴機一觸 林愷鈴

贊助商連結

機會,總是留給有準備的人。

前TVB花旦龔慈恩,當年在劇集《西遊記》中飾演觀音,散發仙氣,其十七歲大女林愷鈴(Ashley),同樣仙氣逼人,遺傳了母親的精緻五官,氣質清純,近年更不時與母親一起拍廣告、出席活動,早已贏在起跑線。

擁有八級聲樂資格的林愷鈴,早前特地赴北京「中央戲劇學院」,參加為期一個月的暑假課程,學習表演的基礎,似是為入行作好準備。她笑說:「好多人問我係咪想入娛樂圈,其實都係言之過早,因為我仲讀緊書,我想繼續讀文學、建築同心理學,都希望完成一個學位先。不過我好肯定將來嘅事業,一定同藝術有關。」

先天跟後天也準備充足,林愷鈴大可靜待機會,一展所長。

Ashley只有十七歲,待人處事,卻非常成熟,「我知道從事演藝事業要有熱誠,要接受批評,後者好難做到,但人哋批評你,其實係塞錢入你袋。」

 

她和胞弟相差四年,同樣喜歡劍擊,二人會比劍分勝負。

 

藝高膽大

訪問期間,龔慈恩親自為女兒補妝,一邊看着女兒拍照,一邊滿足地微笑。早在三月,林愷鈴有份參演由劉德華監製的青春電影《熱血合唱團》,而鏡頭後的她,正在聖保羅男女中學升讀中六,近日她把握暑假時間,到北京中央戲劇學院上堂,裝備自己。

「媽咪咁啱喺北京拍戲,十三歲嘅細佬(林卓毅)亦喺清華大學上summer course,我就報咗中央戲劇學院嘅暑期課程,為期一個月,學表演基礎,包括聲樂、台詞同形體表演。當初都要面試,好幸運可以入讀。」

別以為林愷鈴得個殼,其實她內外兼備。在名校聖保祿中學畢業的龔慈恩,悉心栽培子女成材,自小以朗誦訓練女兒的膽量,曾多次獲得校際朗誦冠軍和優異獎。前年她又參加英詩大賽,贏得全港亞軍。「由幼稚園開始,我就參加校際朗誦比賽,初時我驚到把聲都震埋,又會講講吓唔記得咗。媽咪教我做乜嘢都要俾心機,我比較內向,細個好鍾意睇書,尤其係希臘神話,又好鍾意寫作。讀書成績OK嘅,英文都試過考全班第一。」

林愷鈴由兩歲多開始上興趣班,學過朗誦、繪畫、非洲鼓、圍棋、游泳、劍擊、騎馬、合唱團、鋼琴、中提琴、長笛、聲樂等,母親希望她從中發掘到自己的天份和興趣。「媽咪乜都俾我學,咁可以接觸多啲事物,但係唔可以隨便放棄。」

原來她的六級鋼琴是由媽媽親自教,龔慈恩解釋:「我唔想逼佢學鋼琴,一直想佢升小一至教佢,但佢上暑期小一預備班時,原來全班人都識睇五線譜!我唔係要佢做最叻,但亦唔想佢係最差,咪開始教佢囉!」

Ashley低聲說一句:「跟媽咪學彈琴好大壓力,我喺廳彈琴,彈錯一粒音,佢即刻喺房衝出來,話唔係咁樣彈。」

Ashley兩歲時已五官分明,好可愛。

 

龔慈恩和林煒當年因拍《雪山飛狐》而相戀, 並於九九年在加拿大註冊結婚,育有大女Ashley和細仔Addison。

    文章標籤

    鈴機一觸 林愷鈴

    全站熱搜

    tvb4life 發表在 痞客邦 留言(0) 人氣()