袁偉豪搏命賺醫藥費 救患癌父親

贊助商連結

袁偉豪憑《城寨英雄》「牙佬」一角成功彈起,早前在無綫劇《使徒行者2》亦表現亮眼,獲得不少掌聲,他直言兩劇都是代表作,希望日後繼續保持水準。前年他在台慶頒獎禮獲獎時爆喊,他直言如此激動,緣於媽媽多年來默默支持其演藝發展,又要不辭勞苦照顧他的患癌爸爸,現在搏命賺錢的他,很開心終可成為家庭經濟支柱:「想全世界嘅人知我媽咪好偉大!」



入行廿年的袁偉豪默默耕耘,近年終捱出頭。

物質上全力支持

相信很多觀眾依然對袁偉豪前年在台慶頒獎禮獲「最受歡迎電視男角色」時,喊住多謝媽媽一幕印象深刻,提及此事,他即變得非常感觸:「一直以來都好感激我媽咪,因為我媽咪、我婆婆嗰邊嘅人都一直好錫我,咁當然我嫲嫲都好錫我,但去年年中佢走咗,雖然係104歲、笑喪,但因為佢走時我唔喺佢身邊,所以覺得好遺憾。」最令他感慨則是母親多年來不辭勞苦,照料他患癌的爸爸:「爸爸之前有鼻咽癌,係五、六年前嘅事,醫番好,但之後喺個肺都有事,又翻發,公立醫院、私家醫院都睇勻。定期都要使一筆醫藥費,因為又要睇中醫同買標靶藥,係多咗(經濟)負擔。我因為工作,始終唔係成日行得開,所以盡能力我都會喺物質上(金錢)支持。而我唔喺香港,就惟有同媽媽傾電話,跟進住爸爸嘅情況。」

為了報答媽媽一直以來的無私付出,事業開始上軌道的他肩負養家重任,希望可以讓家人放下重擔:「身邊嘅人都好幫助我屋企人,無論經濟上、精神上,媽咪都付出咗好多。早幾年我自己經濟能力未符合條件,好多嘢都要靠屋企人幫手,依家漸漸出頭,我一定係成為我屋企嘅經濟支柱,好多嘢需要我嘅地方,我都會義不容辭咁幫手,所以係會零舍感觸,都想世界嘅人知我媽咪好偉大、好錫我,亦委屈咗好多,要照顧爸爸真係好辛苦。」


袁偉豪很感激母親一直默默支持,攞獎時爆喊多謝對方。

《城寨英雄》是袁偉豪的事業轉捩點。
無悔入行豐富經歷

袁偉豪在新劇《棟仁的時光》和《三個女人一個「因」》擔任男一,開始在芸芸小生中站穩陣腳,問到是否以視帝為目標?他表示:「反而我冇特別去諗,我覺得當然呢個可以視為目標,但如果每一次都當係交易咁做,會畀自己更大壓力。如果係樂在其中,就可以畀觀眾睇到袁偉豪更多嘅嘢。之後我希望身體力行多啲,用自己嘅力量幫助有需要嘅人,做吓慈善工作。」

十多歲已入行,問袁偉豪有否一刻後悔?他答:「入行廿年嚟都冇後悔,我覺得人生裏面冇乜嘢令我後悔過,因為好多嘢冥冥中有主宰,廿年嚟嘅學習同經歷先至有今時今日嘅我。」至於廿年來誰影響他最深?他直指早年曾與恩師鍾鎮濤夾Band時,從對方身上學習很多東西:「佢好叻,人生經驗好豐富,亦都係一家之主,養住好多人。佢有好多經歷,正正就係我幫佢做嘢嘅時候,佢嗰幾年都係喺佢個經歷當中奮鬥。」


袁偉豪希望多做慈善活動,回饋社會。

袁偉豪希望大家專注其演藝事業。

袁偉豪讚翠如是很勤力的演員。
不滿網民針對翠如

袁偉豪在早前播畢的無綫劇《使徒行者2》中,經常以「天堂哥」身份晒肌搶觀眾眼球,他直言角色前後段性格大為不同,到臥底身份揭曉後更顯內心矛盾,他坦言槍殺周柏豪的幾場崩潰戲最難處理。問到是否視《使》劇為其代表作?他指之前《鐵馬戰車》的「施馬Sir」、《拆局專家》的「石頭」和《城寨英雄》的「牙佬」,都是心愛的角色:「好多謝每一位編劇,好希望每一套都係我代表作,而唔係單單只係一、兩套劇。」

雖然拍檔黃翠如在故事末段憑三段喊戲令人刮目相看,但仍有不少人對她甚為挑剔,袁偉豪即為對方抱不平:「其實佢好用心演戲,佢好想努力繼續學習,但係每一次都提唔起信心,就係因為網民永遠會針對佢,令佢個人好唔夠自信!呢一刻我忍唔住做正義朋友,話畀網民或者網上平台聽一啲正面訊息,唔好夾硬去扭曲一啲嘢,大部分人都覺得翠如有進步,點解仲要有人推佢落個窿度再搵泥埋住佢?好唔公平!」

文:若瑟

攝:唐豁莊

服裝:Harvey Nichols

高調戀張寶兒 每段情都學到嘢!

袁偉豪與女友張寶兒打得火熱,但他希望外界關注其工作表現:「喺感情事上,好多人都會覺得我過去好低調,但依家又變得高調、好放閃好恩愛咁,但其實我一直都唔係太想咁多報道有關我嘅感情。」至於他之前亦與圈中人拍拖,問到是否從中有所得着?他稱:「其實每一段感情上,我都會學到嘢,我亦都相信學到嘢嘅,唔單止係我,對方都一定學到嘢。每一個喺我生命中出現嘅人,我都好希望佢哋會好,我都好希望我有能力時可以幫到大家。無論係邊個都好,我都會用另一個方式去支持對方。」



張寶兒早前與袁偉豪以情侶檔出席活動搵真銀。

他與女友昨早行動一致,分別出席慈善活動,袁偉豪與梁烈唯為「奔向共融馬拉松」主持起步禮。袁偉豪坦言未試過與唯唯一齊跑步,試過跑步到對方家附近,致電欲邀他跑步,竟遭拒絕,唯唯即說:「帶氧運動我鍾意踢波多啲,跑步我會覺得有啲悶。」


梁烈唯(右)坦言不喜歡跑步,試過請袁偉豪「食檸檬」。

 


張寶兒(左)昨日與男友「分頭行善」,出席慈善活動。

 錢銀事小雙親健康最重要

圈中有不少孝順仔女,盡心盡力照顧父母,即使花盡金錢,亦在所不惜,只求雙親身體安康,安享晚年。


泳兒

歌手泳兒的母親2015年12月突然腦出血,一直處於無意識狀態,令泳兒頓覺失去依靠,更肩負責任,代母照顧家人。2016年7月,為照顧腦中風的母親,孝順的泳兒曾透露想學物理治療,替母親拍痰、按摩,希望為至親出一分力。她坦言醫療費沉重,自母親出事半年,已花幾十萬元醫病。

黃又南

組合Shine成員黃又南的父親近年患上腦退化症,他即為父親戒吃牛,希望積德。2017年7月,其父親失蹤6日,他報警兼舉家尋父,最終尋回,他找專人照顧父親及考慮訂購位置追蹤系統,更表示從來不覺得父親是負累,反而擔心父親有一天會忘記他。其實又南出名孝順,早於2003年,他代生意失敗的父親清還700萬巨債,有指當時他每月只得2,000多元生活費,為還債日做夜做,更捱到入院,終於2009年還清所有債務。

 

    全站熱搜

    tvb4life 發表在 痞客邦 留言(0) 人氣()