衛蘭凸腩示眾

贊助商連結

歌星開演唱會前例必排舞、練歌,兼且收身減肥,希望以最佳狀態上台,不過一直被黎明話「肥過部電單車」嘅衛蘭,最近竟然唱反調,講明唔會為明年一月舉行嘅《Oh My Janice World Tour 2018》演唱會減肥:「今次唔會刻意減磅,最瘦嗰時都畀人話肥,索性唔理,最緊要健康。鍾意我唱歌嘅人都唔會介意,到時啲衫靚同唱得好就OK。」

日前傍晚放工時間,東姑見到衛蘭坐港鐵去天后排舞,素顏嘅佢戴住眼鏡,着住一身黑色貼身運動服,揸住杯咖啡逼入車廂,遠睇仲以為係盧宛茵。雖然衛蘭開騷在即,但東姑發現佢成個人依然圓碌碌、肚腩脹卜卜、臂彎強壯,證明佢真係言出必行,話唔減就唔減!而港鐵車廂係嚴禁飲食,但佢一邊逼車一邊飲咖啡,好在冇人多事舉報啫。

衛蘭着住貼身衫逼港鐵,肥臂同肚腩仔表露無遺,不過佢就企硬唔減肥!

 

港鐵車廂嚴禁飲食,幸好乘客錫住衛蘭,唔舉報。

 

雖然唔想減肥,但佢努力排舞,一雙小腿明顯係瘦咗。

    全站熱搜

    tvb4life 發表在 痞客邦 留言(1) 人氣()