江嘉敏倫敦食好西

贊助商連結

有新一代「清純女神」之稱嘅江嘉敏(Kaman),入行六年至今,拍過唔少港台節目同電影,去年佢簽咗畀無綫,後嚟仲憑《親親我好媽》純情學生妹一角彈起。近日,佢又接拍新劇《兄弟》,而角色竟然係做王浩信嘅保鑣,一改清純形象。

日前,東姑去咗英國倫敦度假,咁啱就撞到江嘉敏同成班《兄弟》嘅演員。原來,佢哋去嗰邊拍外景,沿路楊明仲請大家「食好西」,搞到成班後生演員鬼咁開心。事後,Kaman透露:「今次我去英國係拍同王浩信一啲重要嘅感情戲,嗰日咁啱大家有假,於是一齊去歎美食,仲去咗倫敦塔橋觀光,又喺上面唱〈London Bridge〉,哈哈!」

日前,江嘉敏、楊明、陳庭欣同劉穎鏇去咗英國拍《兄弟》外景,期間有假期,成班人於是就出去玩,楊明仲請班索女食嘢。

 

美食旅程中,陳庭欣(左)推介佢哋試呢款青口,Kaman(中)試完大讚夠鮮味。

 

Kaman喺當地美食市集,發現到呢塊有人面咁大嘅曲奇,佢仲話有分黑同白兩款朱古力味。

 

之後,佢哋又品嚐咗新鮮生蠔,Kaman(右)就揀咗英國蠔嚟試,食後佢就點評入口味道淡咗啲喎,成個食家咁款。

    全站熱搜

    tvb4life 發表在 痞客邦 留言(0) 人氣()