無泳衣有Deep V 張曦雯走「限奶令」罅派福利

贊助商連結

無綫的「限奶令」令不少女藝人都少了機會表現自己的「優點」,不過張曦雯(Kelly)就醒目了,不準穿泳衣,那就在節目中着deep V裙,一樣有驚喜!

Kelly早前遠赴澳洲昆士蘭開恩茲及黃金海岸12天拍攝新一輯J2台旅遊節目《3日2夜》,因為TVB有「限奶令」,Kelly坦言今次拍攝只能着3點式泳衣打底,外面要加潛水衣,所以觀眾只能睇到「打機女神」美好身段,性感尺度完全符合晒公司安全指標,問到可會擔心失晒色被男Fans捨棄?她笑說:「唔一定要Show出嚟先叫性感嘅!」

《3日2夜》監製張志明捧起唔少「咪神」,如張曦雯、陳庭欣及張秀文等,因為有靚女又有靚景睇,輕易成為J2台王牌節目,但今時唔同往日,雖然Kelly今次都係去陽光與海灘嘅地方,但不設泳衣環節,她說:「有去大堡礁潛水,但3點式只係用嚟打底,唔係公司出禁令所以冇着泳衣,行程由旅遊局安排,就算有冇禁令行程都冇變過。(怕唔怕觀眾會失望?)我當然唔希望大家剩係想睇我着3點式啦,我想喺鏡頭前帶到歡樂畀觀眾,而且唔一定着泳衣先靚,唔同服裝有唔同美感,好似緊身衫、deep v都有神秘感,唔一定要Show出嚟先叫性感。哈!因為今次我唔使着泳衣,所以唔使忍口,可以食過痛快。」

張曦雯第四次去黃金海岸形容好有緣,佢最愛當地海鮮夠新鮮,她今次仲有去主題公園挑戰刺激過山車,玩足3次唔再驚,反而想嘔。最難忘在下榻的酒店房間內玩樹熊,樹熊爬埋上牀好得意,她笑說:「我冇男友可以攬,唯有抱樹熊啦。」

擁有33C無敵靚Body嘅Kelly身穿超Deep低胸裝坐郵輪睇日落,索到嘭嘭聲。

 

Kelly穿Tube Dress參觀啤酒廠,真係索到一個點。

 

Kelly最難忘喺酒店房抱樹熊,抱到唔捨得放手。

 

之前Kelly到毛里裘斯拍《3日2夜》,呢套白色泳衣照獲大量男網民瘋狂Share。

 

因為打機打得叻,Kelly多一個搵錢機會,就係出席好多電玩活動。

 

澳洲海鮮超得,Kelly唔使忍口食得好痛快。

全站熱搜

tvb4life 發表在 痞客邦 留言(0) 人氣()