張兆輝親自服侍「二奶」

贊助商連結

有傳,五十四歲嘅張兆輝(輝哥)係娛圈中嘅隱形富豪,佢老婆打骰嘅美容院,生意做得有聲有色,有估計佢身家過億,一家住貝沙灣豪宅,出入揸過百萬嘅保時捷跑車,屈就無綫拍劇,純粹係「賺錢買花戴」。

早前,東姑就喺貝沙灣附近嘅一個油站巧遇輝哥,現場見佢揸住架波子,去到油站入油,而佢竟然當正架車好似「二奶」咁錫。一般嚟講,入油期間,油站職員會幫客人抹埋架車嘅車頭玻璃;不過,輝哥唔肯假手於人,親自落手落腳抹玻璃,就連入油揸住支油槍,佢都要自己親自去做,可能係怕職員粗手粗腳,刮花佢「二奶」啩? 東姑估佢唔到,輝哥除咗出名顧家好男人之外,仲名副其實係愛車之人。

輝哥愛車如命,親自幫座駕抹車頭玻璃,唔肯假手於油站嘅職員。

 

呢架波子跑車價值過百萬,難怪輝哥當正佢「二奶」咁錫。

 

抹車自己抹,連油都自己揸油槍自己入,輝哥愛車程度比較誇張咗啲。

全站熱搜

tvb4life 發表在 痞客邦 留言(0) 人氣()