小寶孭飛新片緊張監場

贊助商連結

陳嘉佳(小寶)自從簽咗畀王祖藍開設嘅經理人公司之後,發展穩步上揚。而目標帶領旗下藝人北上掘金嘅祖藍,有心有力,啱啱仲幫小寶接咗一套內地網絡電影,仲要係擔正做埋女主角。

套戲個名叫做《顏值當舖》,劇情仲開正小寶嗰瓣,講佢由瘦變肥,變咗個低顏值嘅大肥婆,然之後點樣搵到真愛?能唔能夠成功進軍內地市場,小寶食粥食飯都睇呢鋪。

做唔做得成內地搶手諧星,當然就要睇小寶孭飛嘅電影嘅市場反應啦!唔怪得之佢呢排為部戲開工,特別緊張,特別投入。早前,東姑喺觀塘,見到佢同張彥博一齊拍外景,雖然有場戲完全冇佢份,但小寶都一樣肉緊,企喺度畀演員望住入戲,又似監場咁巡來巡去,睇下有乜甩漏,即刻幫忙補位。東姑又見佢同現場嘅幕後人員,狂傾猛研究,似乎對幕後嘅工作都好有興趣,好虛心學嘢,認真難得。咪睇佢肥以為佢懶,扚起心肝上嚟,都可以開行turbo好積極o架!

小寶對自己首次擔正「女一」嘅電影好緊張,現場好似總指揮咁,肉緊到同台前幕後研究拍攝工作。

 

肉地特別厚嘅小寶,巡視拍攝現場,搞到周身大汗,趕忙吸油補粉。

 

小寶對於自己嘅顏值一啲都唔求其,自己補妝,務求以最佳狀態上鏡。

 

呢部戲嘅主要對手係同經理人公司嘅張彥博,兩個都靠晒呢部內地網片進軍內地市場。

 

場車戲其實只係拍內籠,但小寶唔會偷懶坐埋一邊,仲好關心咁喺車旁眼

tvb4life 發表在 痞客邦 留言(0) 人氣()