黃百鳴同個仔爭寵

贊助商連結

黃百鳴嘅兒子黃子桓（Edmond），數年前迎娶吳千語嘅經理人Carmen，去年兒媳仲幫百鳴哥生咗個孫女Charlotte，畀佢「升呢」做阿爺。

早前，喺電影嘅慶功宴上，東姑見佢哋兩仔爺同場出現，難得仲湊埋一歲零三個月大嘅Charlotte到場湊下熱鬧。而阿爺一見到孫女，個樣即刻冧到暈，搶住上前抱抱，個身仲猛「un」做Charlotte嘅人肉搖籃，就連在場有乜明星、大導演都懶得應酬，簡直錫粒孫錫到燶。

只見阿仔Edmond企喺隔籬（目及）到實，個樣就好似「前世情人」畀老竇百鳴哥搶走咗咁款。東姑睇見佢兩仔爺為一個BB女爭寵，場面都幾搞笑！

百鳴哥一見到粒孫女，即刻飛撲上前爭住抱，個樣仲勁冧！而Edmond（圓圖）就一直企喺隔籬監視住，感覺似係畀老竇搶走佢嘅「前世情人」咁款。

 

現年七十一歲嘅百鳴哥，錫粒孫錫到燶，仲猛「un」猛「fing」，做孫女嘅人肉搖籃。

    tvb4life 發表在 痞客邦 留言(0) 人氣()

    E-mail轉寄