林志玲傳赴布拉格度蜜月

贊助商連結

有台灣「第一名模」之稱嘅林志玲(Chiling),同言承旭喺光棍節前夕世紀復合,兩人就被目擊穿上情侶裝喺馬來西亞酒店健身「蜜」會。事後,男方默認戀情,可惜Chiling就封晒口,似乎想力保剛剛重新萌芽嘅愛苗。

截至上個禮拜三(十一月廿九日),Chiling嘅四十三歲生日,佢都未有現身回應同言承旭翻撻呢件事,只係喺社交網上載咗一張生日蛋糕相,同留言多謝大家送上嘅生日祝福。不過,早前就有密友大爆,兩人有機會喺出年元旦喺峇里島拉埋天窗;另外,更透露佢哋蜜月地點嘅首選,九成會係Chiling啱啱去完拍年曆嘅捷克布拉格!

原來,女神Chiling不嬲都有拍慈善年曆幫助弱勢孩童,而且已經連續實行咗九年。台灣就有報道指,Chiling曾自爆當年讀大學時,最嚮往可以喺布拉格度蜜月,仲話希望下次可以同人打孖去喎。其實,風景怡人嘅布拉格,一向都好受台星歡迎,好似周杰倫同舒淇都係喺嗰度影過婚紗相,若果Chiling到時去度蜜月,東姑相信都不足為奇。

今年二月,Chiling喺社交網貼出白色婚紗照,並留言道:「I love white color」,似乎有所暗示。

 

光棍節前夕,Chiling同言承旭被目擊喺馬來西亞酒店做gym,七年後再「世紀復合」。

 

〇二年,Chiling同言丞旭被影到齊齊返家,而傳出緋聞;三年後,因Chiling整電話,令兩人嘅浴袍合照外洩,戀情先至曝光;不過,有說雙方喺一〇年分手。

 

上月Chiling生日,喺微博上載咗張生日蛋糕相,寫上:「一起創造無悔人生,好嗎?Love。」網友估「Love」係指言承旭喎。

全站熱搜

tvb4life 發表在 痞客邦 留言(1) 人氣()