森美為仔女勞碌

贊助商連結

森美早前喺主持嘅旅遊節目《森美旅行團》,忽然感觸落淚,隔空同結婚十七年嘅老婆示愛,估佢唔到平時輕佻成個大細路咁,原來係「暖男」。而佢對一對寶貝仔女,仲好廿四孝,名副其實亦係「暖爸」一名。早排,佢接受訪問講起十四歲大仔同十歲細女仲講到喊,原來係唔捨得囝囝去英國留學。佢仲話,為咗供個仔讀書,一年五十萬,遲啲送埋個女過去升學,又五十萬,個個月十萬開支,都幾重皮。

唔怪得,森美有乜撈乜,喺商台、無綫主持節目同拍長劇《誇世代》之外,仲狂接出面啲司儀job,無非係為賺多啲錢幫仔女交學費。早前,東姑就喺銅鑼灣利園商場巧遇佢,見佢着住「老西」,匆匆忙忙喺一間咖啡店,買咗杯咖啡同埋三文治外賣,似係滾水淥腳又趕去秘撈司儀job,認真辛苦命。鬼叫佢一身兒女債,難為咗佢呢個好老竇喇!

森美出現喺銅鑼灣一個商場,似趕住下場去做嘢,所以只能夠買咖啡、三文治外賣醫肚。

 

佢買完外賣,即刻滾水淥腳咁走,似乎為搵多啲仔女嘅學費,甘心勞碌命。

 

森美對一對寶貝仔女,好廿四孝,名副其實係「暖爸」一名;而同老婆陳雅嫻結婚十七年,就恩愛如昔。

全站熱搜

tvb4life 發表在 痞客邦 留言(0) 人氣()