伍衛國冧爆鯊魚女

贊助商連結

有「伍小生」之稱嘅伍衛國,今年六十五歲,但魅力仍然咁強勁。o依家成熟穩重嘅佢,就特別吸引啲中女、太太們,簡直可以話係「中女殺手」。日前,佢就好有心,幫保良局搞嘅一個慈善盆菜宴做表演嘉賓,除咗唱歌之外,仲好畀面食埋盆菜;而身為保良局主席嘅「鯊魚女」陳細潔,當然唔會怠慢呢位貴賓,全程好熱情咁招呼。

唔知天公攞景定贈慶?食食下居然落起大雨,伍小生同埋陳細潔,着晒雨褸喺度食盆菜,都幾狼狽下;不過,睇落個畫面就相當浪漫。一個男工作人員幫佢兩個擔住一把遮,一向對女士都好gentleman嘅伍小生,盡量用身軀,幫佳人遮風擋雨,而陳細潔則一盡主人家之義,久唔久幫伍小生挾下餸,睇落真係男嘅體貼、女嘅溫柔,羨煞旁人!

伍小生對鯊魚女盡顯紳士風度,落住雨都陪埋食盆菜,仲用自己嘅身驅幫對方擋雨。

 

鯊魚女頻頻幫伍小生挾餸,呢個場面真係好易惹人誤會。

 

伍小生同鯊魚女男才女貌,企喺風雨中食盆菜,個氣氛又真係幾浪漫。

全站熱搜

tvb4life 發表在 痞客邦 留言(0) 人氣()