獨立電影導演林子穎( Nora),二十二歲,現屆港大文學院畢業生,修讀比較文學和法文。
出身「離地」中產家庭,卻熱愛拍攝寫實的社運紀錄片,作品有《旺角黑夜》、《未竟之路》和《地厚天高》。

坦白講

紀錄梁天琦

贊助商連結

「啲人理解嘅梁天琦係暴徒、本土派新希望,但我認識嘅梁天琦唔係咁,佢都只係一個啱啱畢業嘅仔,不知天高地厚。」我拍《地厚天高》,就係想將佢不為人所知嘅一面呈現出來。除咗新聞入面嘅形象,有幾多人知道佢曾經抑鬱暴食,瀕臨自殺邊緣。

 


撇除不同政治路線同標籤,其實你我嘅青春都一樣,「每個人曾經心入面對社會都有想像,然後被殘酷嘅現實幻滅。」一六年二月旺角騷亂後,本土民主前線的梁天琦一夜之間冒起,一個政治素人短時間就要經歷因湯家驊辭職引發的新東補選、立法會選舉洗禮。「香港好少有政治人物,短時間冒起,再短時間結束政治生涯。」因為梁天琦最後被選管會取消參選資格。
升得愈高,跌得愈低。梁天琦 Plan B幫梁頌恆助選,最後連點票結果都沒看就走了,不久還離開香港。「我一直跟住佢,拍佢嘅生活,由香港嘅複雜政治到美國嘅平靜生活。」梁天琦多番掙扎,「佢對自己未來有迷惘,對自己一直以來做的選擇有困惑。」經歷這一切風雨,或者有很多傷害和痛苦,「我覺得佢心底裡係一個純真、善良的人。」
有人問我點解淨係拍政治嘢?其實我無刻意去揀政治,我第一個遇上嘅題材就係政治。如果我無喺一四年做港大校園記者,我應該唔會行得咁前。又或者我而家會做一個英文老師,我都唔知。
我好喜歡拍片同埋講故事,拍梁天琦之前,已經拍咗兩套有關雨傘運動嘅紀錄片。作為港大文學院畢業生,可以有更好嘅出路,雖然紀錄片喺香港唔係主流,我知道好難維生,但紀錄片導演,係我依家最想做嘅事。
撰文:文倩儀 
攝影:王 晴 
news@nextdigital.com.hk

文章標籤

全站熱搜

tvb4life 發表在 痞客邦 留言(0) 人氣()