朱千雪傷透宅男心

贊助商連結

美貌與智慧並重嘅朱千雪,被一眾宅男封做「千雪BB」,當年選港姐時,若非網上投票嘅server出事, 冠軍非佢莫屬,有個朵叫「民選冠軍」,就知佢深得觀眾緣喇。難得佢入行之後,仲繼續咁有上進心,進修法律系博士,認真冇得輸。

不過,東姑早前喺街上巧遇千雪BB,就有啲大失所望,見佢喺中環做完一個商演活動,同埋助手離開,門口一早有幾個佢嘅宅男fans喺度守住,只係希望同「女神」影張相,點知千雪BB匆匆忙忙急急腳走,眼尾都唔「梢」吓幾個粉絲。東姑聽到啲fans仲苦苦哀求,話等咗佢成半個鐘,只係想影張相;可惜,千雪BB都仍然拒人於千里之外,仲加快咗腳步鬆人添!

雖然睇得出佢真係好趕時間,但係亦未免太絕情;加上,佢早排認咗有個醫生男友Justin,o依家又咁對啲fans,真係傷透宅男心喇!

平時好nice嘅千雪BB,忽然對宅男fans好絕情,拒絕一齊影合照。

 

當日,千雪BB晒出一對白滑嘅美腿,相當吸睛。

    全站熱搜

    tvb4life 發表在 痞客邦 留言(0) 人氣()