兩個仔輪住施嗲功 張栢芝冧爆開餐

贊助商連結

張栢芝向來很愛錫兩個囝囝Lucas與Quintus,她日前帶同囝囝、細佬豪龍和親友一行約8人,浩浩蕩蕩踩落九龍城歎泰菜。眾人點選了炸蝦餅、咖喱蟹、蒜蓉包、生蝦、馬拉盞炒菜、小食拼盆等,款類甚多,齊齊吃豐富大餐。準備換牙仔的7歲孻仔仲不時向母親撒嬌,全晚黐實媽咪,鬼咁嗲豬!離開時,栢芝「一拖二」冧笑兼露出腰果眼,左拖Lucas、右攬Quintus,超級幸福咁上車返康樂園豪宅。

家庭歡聚近兩小時,豪龍一支公出門口「叉電」,未幾親友相繼起身走人,栢芝三母子亦連體離開。長得高高瘦瘦的Lucas就快有媽咪耳仔咁高,兩個寶貝仔一左一右黐實母親,場面好溫馨,「前世情人」Lucas仲sweet到又拖又繑,更攬住媽咪條腰。最後三母子上了栢芝送畀豪龍個架黑色Vellfire七人車,愈大愈靚仔嘅Lucas爭坐車頭,由舅父豪龍揸車送返康樂園月租豪宅。

Lucas、Quintus黐實栢芝,三母子感情好,去到邊都感覺到他們的温馨。

 

 

栢芝推Job唔揾銀留港陪兩位小情人,真係廿四孝媽媽。

 

 

 

離開時,Lucas、Quintus一左一右拖實栢芝,三母子有傾有講。

 

「一拖二」的栢芝冧樣出晒嚟。

 

豪龍也帶同5歲囡囡一起用餐

    全站熱搜

    tvb4life 發表在 痞客邦 留言(0) 人氣()