高海寧騷腰力證冇跌watt

贊助商連結

高海寧(高Ling) 被封為「無綫咪神」,但係呢輪佢啲風頭,畀一班後起之秀「新咪神」蓋過晒,都唔知關唔關佢同著名音樂監製鄧智偉蜜運嘅事?正所謂戀愛大過天,懷疑佢為咗男友收起性感而「封咪」。

早前,高Ling加埋黃心穎同森美,一齊去咗日本拍旅遊節目《森美旅行團》,聽講就快播出。之前就有宣傳片流出,見兩女一男一齊浸溫泉,有網友就大讚森美胸肌反勝兩個女仔,高Ling貴為「咪神」,認真失威喇!

早前,東姑就喺尖沙咀一個商場,巧遇啱啱做完宣傳活動嘅高Ling。當日,佢着住一件紅色嘅T恤,相信係由大會提供,見佢做完嘢心情唔錯,順便行下街,走咗入一間運動服裝店睇衫;不過,睇完一輪都係兩手空空,最終同埋助手去咗一間台灣食店,喫馳名嘅擔仔麵,全程都好風騷下,出入有粉絲向佢「集郵」,一律任影唔嬲。

不過,見佢行完街、食完晏,臨去攞車走人之前,都忍唔住換番件衫先。而當佢換咗件白色貼身露腰T,變身之後,成個look當堂唔同晒,身材玲瓏浮凸,兼騷吓佢條廿四吋小蠻腰,密實得嚟帶啲不經意嘅性感,證明高Ling唔係浪得虛名,就算拍拖之後,性感指數同埋吸睛度,都冇跌watt。

高ling臨去車場攞車之前,先除咗宣傳活動指定嘅紅色T恤,着番佢本身嗰件白色tee,既貼身又露腰。

 

佢件白Tee又貼又透,連bra都若隱若現,將佢玲瓏浮凸嘅身材展露無遺。

 

佢睇完鞋又去睇衫,不過揀咗十幾分鐘,最後都係乜都冇買。

 

高Ling同黃心穎及森美,去咗日本拍攝《森美旅行團》,當中有一幕佢哋一齊浸溫泉,有網友竟然大讚森美胸肌反勝兩個女仔。

    全站熱搜

    tvb4life 發表在 痞客邦 留言(0) 人氣()