陳奕迅沉醉網球

贊助商連結

近年,陳奕迅(Eason)開始中年發福,身形暴脹;但,原來佢都係一個運動愛好者。唔使開工嘅時間,Eason除咗畀老婆徐濠縈捉住佢做瑜伽、喪跑嚟收身之外,佢仲鍾意打網球嚟娛樂一下。而身為一個網球狂迷,Eason早排就畀東姑發現,佢專誠飛咗去新加坡觀賞網球比賽。

當日,戴晒帽嘅Eason,雖然表現得相當低調,但係依然被粉絲捕獲,仲向偶像要求「集郵」,更有人要求佢喺網球上面簽名添。即使呢班粉絲令Eason唔可以專心咁睇球賽,但係佢都非常友善咁逐一同粉絲合照。最後,喺緊張決勝負嘅一刻,Eason就偷偷離開觀眾席,自己一個人落咗去球場旁邊靜心觀賞,睇嚟佢真係好沉醉網球呢項運動。

早前,Eason被發現專誠飛咗去新加坡觀賞網球比賽。

 

為咗可以真正睇到決勝嘅一刻,Eason於是靜雞雞走咗落場邊,不受騷擾。

 

畀粉絲發現咗,Eason點能夠安安樂樂睇網球比賽呢?

    文章標籤

    陳奕迅 沉醉 網球

    全站熱搜

    tvb4life 發表在 痞客邦 留言(0) 人氣()