洪天明老竇唔易做

贊助商連結

四十三歲嘅洪天明,自從同周家蔚成家立室,生咗大仔大仁,同細仔竟琋之後,變咗「廿四孝老竇」,只要唔使開工,佢都會花晒所有時間畀兩個囝囝,佢仲代勞老婆負責湊仔,周不時見佢接送兩個仔返學、放學,爭取多啲親子時間。

好似早排八號風球卡努襲港,電視台新聞部就捕捉到佢出埠做嘢,因為交通大阻塞而延誤。訪問時,佢仲透露老婆同仔喺八號風球,都去埋機場送佢機。睇嚟,佢真係好珍惜一家人相處嘅時間,盡量見多一陣得一陣。

早前,東姑又喺一間超市內,見到洪天明湊住兩個仔去shopping。雖然同行仲有個外傭姐姐幫下眼,但兩個仔好似甩繩馬騮咁,尤其揀選零食嘅時候,可謂完全失晒控,搞到洪天明點嗌都嗌唔停,對兩個仔真係「冇晒符」!

洪天明兩個仔見到糖果兩眼放光,亂搞亂摷貨架,老竇嗌都嗌唔住。

 

大仔扭計「抱抱」要自己揀零食,「廿四孝老竇」洪天明惟有乖乖順從。

 

日前,八號風球卡努襲港,電視台新聞部喺機場,就捕捉到洪天明呢位「廿四孝老竇」出埠做嘢。

    全站熱搜

    tvb4life 發表在 痞客邦 留言(0) 人氣()