陳敏之囝囝出巡大陣仗

贊助商連結

自上年底生咗囝囝雷子樂後,陳敏之因為要事業與家庭兩兼顧,所以惟有將佢交由工人照顧,結果囝囝鍾意黐工人多過自己,一度好傷心。於是乎,佢嚟一招母子檔接job,吸金之餘,順便仲增加埋親子時間。

日前,母子獲邀出席活動,未夠一歲嘅子樂,由於係第一次出席公眾場合,陳敏之好緊張,除咗經理人外,仲帶埋助手、外傭、司機同行,一行六人浩浩蕩蕩到場。而小小年紀嘅子樂,對住場內成百人群,一啲都冇扭計又唔怯場,表現淡定。

事後,陳敏之指囝囝處變不驚,「之前囝囝喺百日宴已經好淡定,全程冇喊,係屬於一個觀察思考型嘅人,呢方面似爸爸。」而活動完成,囝囝先恰眼瞓,表現真係好專業。

臨出場前,陳敏之嘅經理人先同子樂抹乾淨嘴仔,冇晒口水先出場。

 

一下台,陳敏之嘅助手同司機,即左右護航。

 

當陳敏之跟記者訪問時,子樂已經喺另一邊「覺覺豬」。

全站熱搜

tvb4life 發表在 痞客邦 留言(0) 人氣()