夏文汐玩到冇架子

贊助商連結

現年五十一歲嘅夏文汐,獲無綫力邀拍新劇《逆緣》,早喺八、九十年代,拍電影出身,當年已經做女主角嘅佢,今時今日出山拍電視劇,擺明就係阿姐級數,連啲一線嘅花旦、小生,都要嗌佢一聲做前輩。

早前,東姑就喺尖東一間酒店,遇到夏文汐啱啱開完外景,準備離開,初時見佢個樣唔笑cool到爆,加上有女助手幫佢拎住一袋二袋跟尾,感覺真係好大阿姐feel嗰種霸氣。點知後來見到楊卓娜出嚟,同佢一齊等車;期間,夏汶夕居然對住後輩毫無架子,而且仲玩得癲過啲後生仔女,見佢頭揈揈、腳印印,同楊卓娜唔知講乜笑話講到要跳埋舞,好傾到唔捨得走咁滯。

最後,佢亦同埋楊卓娜以及其他工作人員,一齊坐crew車返咗去佢將軍澳嘅寓所,冇話享受咩特別待遇。

夏文汐唔笑個樣好易會嚇親人,加埋有個助手服侍,仲以為佢唔慌好相與。

 

點知屬於阿姐級嘅夏文汐,對住晚輩楊卓娜完全冇架子,一齊等車仲好好傾。

 

東姑見佢同楊卓娜講笑講到頭揈揈、腳印印,跳晒舞咁,睇嚟係玩得之人喎!

全站熱搜

tvb4life 發表在 痞客邦 留言(0) 人氣()