何超雲富貴宅女生活實錄

贊助商連結

賭王三太嘅大女何超雲,自從同舊愛陳山聰分手之後,變咗宅女,通常匿埋喺屋企玩貓、玩狗,或者入廚煮吓飯仔,到目前為止,佢都係話自己單身冇拖拍喎。

早前,東姑就喺大潭撞到佢,見佢着住運動背心、爛牛仔褲,搵埋女助手相伴,一路由山頂行落山腳,邊行仲邊睇住隻智能運動表,留意住啲心跳率、運動量咁,估計佢係行山做運動,keep吓fit減吓肥咁,所以就算有車、有司機都唔用,嗰日就咁行返屋企。

另一日,東姑再喺銅鑼灣巧遇超雲,不嬲對fashion都好有興趣嘅佢,今次就搵埋媽咪同埋女助手,三個女人一齊結伴行去百德新街,入咗一間名牌時裝店睇衫shopping。東姑見佢揀來揀去都唔太啱心水,睇吓睇吓仲愈睇愈冇癮,之後急call番司機嚟接佢哋走人添!

兩次遇到超雲,兩次都見佢好「宅」吓,身邊唔係助手,就係媽咪,唔好話異性,連多人啲嘅社交活動都冇。唔怪得大好條件嘅佢,回復單身咁耐,都未聞再有新戀情;不過,既然皇帝唔急,太監又唔使為佢急啦!何況,超雲今年都只係二十八歲啫。

早前,着住背心、牛仔褲嘅超雲,急步行由山頂行落山腳,似係當做運動減肥。

 

超雲唔使司機載佢,自己行落山返屋企,而身邊就搵來女助手相陪。

 

東姑見佢一路行仲一路望下隻智能運動表,可能係計緊心跳率同埋步速。

 

另一日,東姑喺銅鑼灣遇上超雲(左),見佢搵咗媽咪(中)同埋女助手(右),陪佢去百德新街shopping。

 

入到舖頭佢有佢睇,媽咪有媽咪自己睇,反正母女品味應該唔太相近。

    全站熱搜

    tvb4life 發表在 痞客邦 留言(0) 人氣()