黃樹棠索女陪玩陪食

贊助商連結

入行近半個世紀嘅資深藝人黃樹棠,主力拍電視劇,足迹遍布無綫、亞視、港視,對於上咗年紀嘅觀眾一定唔會陌生;而佢最為新一代觀眾熟悉嘅,應該係《我和殭屍有個約會》中嘅「求叔」一角。〇四年,棠哥離開咗亞視之後,就少咗喺香港嘅螢光幕見到佢,原來佢去咗越南發展,既做演員又做武指,仲勁到做埋當地嘅視帝添。

不過,唔好睇七十三歲嘅棠哥好精神,其實幾個月前,佢先做咗腸癌手術,切咗八厘米大腸,身體多咗四個窿。佢同東姑講,手術成功真係好似重生一樣:「出院後即走去元朗開工,唔想阻到人哋嘛。半個月之內又手術又拍戲,真係好感恩,醫生話我七十三歲可以咁樣,簡直係傳奇。我賺回十年命,所以o依家做得就做。」

好番晒,棠哥梗係要搵啲朋友慶祝下,早排佢就去深圳放吓假。有幾位索女陪玩又陪食,搞到棠哥係咁食之餘,仲不時擺出港女十式自拍,睇得出佢真係好興奮;不過,開心還開心,啱啱先做咗手術,就亂咁食嘢,都係小心啲好!

從兩人嘅笑容睇得出好開心、好幸福,羨煞旁人。

 

黃樹棠同索女玩摩天輪兼且喪影自拍照, 一睇就知佢好enjoy啦!

 

同年輕女仔溝通得多,棠哥都識得擺出港女十式影自拍相。

 

有美相伴,棠哥特別開心,仲好好精神添!完全睇唔出佢啱啱做完大腸手術。

 

黃樹棠喺《我和殭屍有個約會》中飾演求叔,成日幫殭屍尹天照搵過期血包畀佢飲。

    全站熱搜

    tvb4life 發表在 痞客邦 留言(0) 人氣()