林家棟舊屋見白光 雨僑跳樓心慌慌

贊助商連結

林家棟在即將上映的電影《常在你左右》中飾演一個貪婪仵工,這個角色就讓他感受到「當你做唔好嘅事,必需付出代價」。《陰陽路》20周年新作《常在你左右》,由古天樂、張智霖、林家棟、蔡卓妍、佘詩曼等主演。《常》片秉承了《陰陽路》特色,故事除了集驚喜於一身,亦帶出善惡因果的訊息。片中扮演爛賭仵工的家棟,正因為一個貪字所累,偷去婚前跳樓自殺的雨僑之陪葬物,自此頭頭碰着黑,發生連串怪事,又被責主追數於家門外淋紅油,撻到他攤攤腰。

提到演繹這個角色,家棟就說:「佢係貪小便宜嘅人,有靈異事件發生,大家見唔到嘅嘢係我見到。呢個人喺戲入面,即使一個死者嘅陪葬物品都要偷,係不敬、好唔尊重,所以最尾佢要付出代價。」雖則其角色比較沉重,但家棟習慣每次拍完一部電影都會離港散心或者相約朋友會面,令自己盡快平復,融入鏡頭以外的生活。現實中,原來家棟都發生過不可思議的事件,「我曾經喺以前間屋度瞓覺,成日有一兩點白光飛嚟飛去,我就冇為意,同埋唔會諗太多,因為實在太攰,但我問過一啲懂得靈異嘅人,佢話有啲嘢冤住我!吓,咁都得?佢梗係鬥唔過我啦,我即刻搬吖嘛。」

 

 

有一次家棟去醫院探病,亦發生了一件怪事,他說:「醫院部壞咗,行樓梯要經過殮房,嗰時係夏天,殮房就一定冷氣好勁,但我嗰種寒係由心寒出嚟,點解好似返到屋企唔對路,就即刻打俾朋友,佢話有啲嘢對我好好奇,應該跟住你,我話咁爆?我同佢無仇無怨,後來呢個朋友就同我做咗佢認為合適嘅動作同儀式,跟住就冇事啦。」

林家棟於現實中都發生過不可思議的事件,他曾經在以前間屋瞓覺時,見一、兩點白光飛來飛去。

 

靈異之事信則有不信則無,雨僑在《常》片的戲份圍繞跳樓、瞓棺材、扮女鬼,但身為基督徒的她就揚言百無禁忌:「我覺得有好多嘢係呢一行嘅習慣,或者傳統,咁我利是當然會收,我係未拍過一套戲係每一場都有利是收,因為都係同死有關嘅場口。」不過拍跳樓的場面,始終要危坐天台,從高處望落地面都心驚驚。

 

 

基督徒的雨僑就揚言對扮鬼百無禁忌,不過拍跳樓的場面,始終要危坐天台,從高處望落地面都心驚驚。

    全站熱搜

    tvb4life 發表在 痞客邦 留言(0) 人氣()