何超蓮 真女神風範

贊助商連結

賭王三房千金何超蓮,向來不乏裙下之臣,「娘娘」收「兵」條隊,由中環排到過海出旺角,就連富三代霍啟山、型男方力申等等,都拜倒其石榴裙下。超蓮除咗靚女激索有外在美之餘,內在美一樣冇得彈。私下佢熱心公益,不時做吓義工,仲同班志同道合嘅朋友,搞咗個「Smile with us HK」嘅團體,宣揚正能量。

早前,東姑喺中環撞見超蓮,見佢dress up到好靚,set埋個靚髮,似乎係有隆重場合要出席;不過,無論幾忙幾趕都好,一樣照顧咗身邊嘅朋友先。嗰日,見佢坐住架七人車,由司機接載,先送兩個女性朋友,返去一幢商業大廈,到咗仲落車同朋友講埋bye bye先走,個人修養一流。而呢位何家千金,難得仲完全冇架子,坐上車頭「得」喺司機位隔籬,絕對唔似得某啲金枝玉葉咁,嬌生慣養,佢人美心善,真「女神」難怪真多「兵」喇!

超蓮坐住架豪華七人車,送朋友去中環一幢商業大廈,到咗仲好有禮貌,落埋車同朋友講bye bye。

 

超蓮雖然身為千金小姐,但唔介意坐上車頭,同司機排排坐,毫無架子。

 

超蓮內在美同外在美兼備,唔怪得之被封「女神」,大把男仔追。

    文章標籤

    何超蓮 真女神風範

    全站熱搜

    tvb4life 發表在 痞客邦 留言(0) 人氣()