張振朗孖朱智賢鬼祟出埠

贊助商連結

無綫上位小生張振朗(Owen)有個「正印」女友、「新咪神」陳芷尤,已經係電視城公開嘅秘密。雖然兩人冇直認拍拖,但係關係sweet sweet,之前仲二人世界去咗歐洲旅行,又公開承認見過家長,感情都相當穩定吓。

早前,東姑喺機場撞到Owen,身邊竟然唔係女友陳芷尤,而係同樣被封無綫「新咪神」嘅朱智賢。兩個一人拖住一個篋,去到一個漫遊蛋嘅counter排隊,似乎係準備攞埋wi-fi蛋,就上機出埠。東姑見佢哋排隊時,仲好鬼祟咁,一個望左、一個望右,扮到唔識咁,刻意保持住距離。唔知嘅,真係會以為佢哋有路。

好彩,後來佢哋喺社交網貼相,合照中仲有埋陳芷尤喺度。原來,三個人出trip去咗新加坡做嘢。睇嚟,Owen嗰日係想避嫌,先唔同女友一齊出發,改為同朱智賢一齊飛,點知搞到仲鬼祟。

出完trip返到香港之後,Owen就喺社交網報平安,話自己入咗醫院,做完小手術割咗幾個瘤,相信有女友喺身邊嘅悉心照顧,好快好番喇!

早前,東姑就發現,張振朗同埋朱智賢喺機場一人拖住一個篋,鬼鬼祟祟走去攞wi-fi蛋,準備上機一齊出埠。

 

朱智賢同張振朗刻意企到離行離列,兩個扮到好似唔識咁款。

 

就算喺counter排緊隊,張振朗同朱智賢都唔敢太親密傾偈,一個望左、一個望右,反而令東姑更加起疑心。

 

其實,張振朗同朱智賢係去咗新加坡做嘢,同行仲有男方嘅「正印」女友陳芷尤。

    全站熱搜

    tvb4life 發表在 痞客邦 留言(0) 人氣()