陳煒 楊玉梅 袁潔儀前亞姐無綫復活

贊助商連結

無綫前晚在電視城進行網上直播節目《big big channel失驚無神賀中秋》,陳煒、楊玉梅、袁潔儀、高海寧、湯洛雯(靚湯)、林盛斌、蔣怡、馮盈盈、劉穎鏇等藝員齊齊與觀眾迎月。三位前亞姐陳煒、楊玉梅、袁潔儀以亞姐名義在節目中進行《亞姐妝速挑戰賽》環節,並「素顏」上陣示範化濃妝,陳煒笑說:「今晚喺無綫可以用亞姐呢個銜頭去做節目,好特別,素顏做節目都緊張,還好自己眼耳口鼻都齊全,希望大家唔好介意。(亞姐喺無綫復活?)冇所謂啦,亞視、亞姐都冇咗。」無綫發言人表示亞視已成過去、亞姐亦沒有了,不少前亞視藝員亦過檔無綫,故不介意用這銜頭做節目名。



楊玉梅(左起)、陳煒及袁潔儀三位前亞姐素顏亮相無綫,認真「突破」!

「雀后」蝦頭贏3萬

至於靚湯在羅天宇30歲生日當天啜爆男友,問到是否公開戀情?她說:「冇話公唔公開,嗰日開P有朋友唔小心擺咗啲相出嚟啫,佢生日大家起哄,開心咪畀個Kiss佢,好尷尬呀!」她希望戀情保持低調。

此外,big big channel舉辦的「明星麻雀王大賽」昨日頒獎,楊詩敏(蝦頭)奪冠成為「雀后」獲得$30,000獎金,亞、季軍分別是莊思敏及阮兒,各得$15,000及$5,000獎金,落敗的丁子朗獲蝦頭一千元大利是,他以蝦頭名義捐出做善事!


蔣怡露肩晒腿搶晒鏡!

楊詩敏榮升「雀后」。

文:影視組

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()